Գերմանիա-Հոլանդիա ֆուտբոլային հանդիպման մարզադաշտի մոտ պայթուցիկ սարք է հայտնաբերվել. մանրամասներ

Գերմանիայի Հանովեր քաղաքում տարհանվել է HDI-Arena մարզադաշտը, որտեղ պետք է անցկացվեր Գերմանիա - Հոլանդիա ֆուտբոլային հանդիպումը: Այնտեղ մարզադաշտի մոտ ռումբ է հայտնաբերվել` բեռնատար մեքենայում, որը ներկայացված է եղել որպես շտապօգնության մեքենա:

Ավելի վաղ Associated Press-ը հայտնել էր, որ ֆուտբոլային հանդիպումը  չի կայանալու` «անվտանգության նկատառումներով», չնայած Ֆրանսիայի ահաբեկչությունից հետո կազմակերպիչները հայտարարել էին, որ հանդիպումը կայանալու է:

Հայտնի է, որ այս հանդիպմանը րոպեներ առաջ ժամանել էր նաև Գերմանիայի կանցլեր Անգելա Մերկելը։

Սա Փարիզի ահաբեկչությունների ֆոնին աշխարհի տարբեր մասերում ռումբի մասին բազմաթիվ ահազանգներից մեկն է:

«Իզվեստիա»-ն նույնի առիթով հայտնել էր, թե գերմանական ԶԼՄ-ների փոխանցմամբ, Հանովերի մարզադաշտում պայթուցիկ սարք է հայտնաբերվել: Իսկ ահազանգը ստացվել է դրսից և «կոնկրետ բնույթի» է: