Բրյուսելի կենտրոնը փակված է, իրականացվում է հակաահաբեկչական հատուկ գործողություն բանակի մասնակցությամբ (լուսանկարներ, թարմացված)

00.00

Բրյուսելում հայտարարված ահաբեկչության վտանգի ամենաբարձր մակարդակը կպահպանվի. ինչպես հաղորդում է BBC-ն՝ այս մասին հայտարարել է Բելգիայի վարչապետը։


23.56

Բելգիացի պաշտոնյաներն ասել են, որ որոնվում են առնվազն 2 անձինք, որոնցից մեկը մասնակցություն է ունեցել Փարիզի ահաբեկչություններին։ Այս մասին հայտնում է Guardian–ը։

23:26

The Daily Telegraph-ը հայտնում է, որ ներկա դրությամբ Բրյուսելի կենտրոնում փակված է կենտրոնական հրապարակը և կենտրոնի մի քանի փողոց:

Ոստիկանությունը որոնում է Փարիզի ահաբեկչությունների կասկածյալներին։ 

22:43

Բելգիայի մայրաքաղաք Բրյուսելում հյուրանոց է արգելափակվել, իրականացվում է զինված գործողություն, որին մասնակցում է բանակը:

ՏԱՍՍ-ը հայտնում է, որ համապատասխան տեղեկություն է հրապարակել RTL հեռուստաընկերությունը:

Russia Today-ի փոխանցմամբ խոսքը Radison Blu հյուրանոցի մասին է, որի լոբբին զբաղեցրել են զինվորականները և մարդկանց թույլ չեն տալիս հեռանալ:
 

Միաժամանակ Russia Today-ը փոխանցում է Բելգիայի վարչապետի մտավախությունը, որի խոսքով՝ Բելգիայում կարող է տեղի ունենալ Փարիզի հարձակման նման հարձակում:

Նույն աղբյուրը հայտնում է, որ վարչապետը հաստատել է, թե Բրյուսելում փակվել են դպրոցները, մետրոն` «լուրջ վտանգի բերումով»:  

Հայտնի է նաև, որ այդ երկրում ահաբեկչության վտանգը շարունակվելու է սպառնացող համարվել: