Ստամբուլի օդանավակայանում պայթյուն է որոտացել. չի բացառվում ահաբեկչության վարկածը (թարմացված)

11.19

Ստամբուլի Սաբիհա Գյոքչենի անվան միջազգային օդանավակայանում՝ ինքնաթիռների կայանման հատվածում, գիշերը տեղի ունեցած պայթյունը կարող է ահաբեկչություն լինել, հայտնում է «ՌԻԱ Նովոստի» գործակալությունը՝ թուրքական լրատվամիջոցներին հղումով։

Ոստիկանությունը դիտարկում է բոլոր հնարավոր վարկածները, այդ թվում՝ ահաբեկչության վարկածը։

Ստամբուլի Սաբիհա Գյոքչենի անվան միջազգային օդանավակայանում՝ ինքնաթիռների կայանման հատվածում, պայթյուն է որոտացել, ինչի հետևանքով սպասարկող անձնակազմից 2 հոգի վնասվածքներ են ստացել:

Ինչպես հայտնում է vesti.ru-ն, միջադեպը տեղի է ունեցել գիշերը: Դրա մանրամասները դեռևս հայտնի չեն:

Նշվում է, որ պայթյունի ժամանակ դեպքի վայրում որևէ ուղևոր չի եղել: Ներկայում օդանավակայանն աշխատում է սովորական ռեժիմով։