Դի Կապրիոն կպայքարի Օսկարի համար. հայտնի են 2016-ի հավակնորդները

Nofilmschool.com ռեսուրսը հրապարակել է այս տարվա Օսկարի հավակնորդ ֆիլմերի ու կինոգործիչների անունները:

Ըստ այդմ՝ Ամերիկյան կինոակադեմիայի 2016-ի Օսկար մրցանակի են հավակնում այնպիսի ֆիլմեր, ինչպիսիք են «Լրտեսների կամուրջը», «Փրկվածը», «Խելահեղ Մաքսը. ճանապարհների կատաղությունը», «Կիզակետում», «Սենյակը» և այլ ֆիլմեր:

Լավագույն ռեժիսորի կոչման համար կպայքարեն Ադամ ՄքՔեյը, Ջորջ Միլերը, Ալեխանդրո Գոնսալես Ինյարիտուն և այլք:

Լավագույն դերասանի հավակնորդների թվում են Բրայան Քրենսթոնը,  Մեթ Դեյմոնը, Լեոնարդո Դի Կապրիոն, Միխայել Ֆասբենդերը, Էդի Ռեդմեյնը:

Լավագույն դերասանուհու անվանակարգում մրցելու են Քեյթ Բլանշեթը, Բրի Լարսոնը, Ջենիֆեր Լոուրենսը, Սիրշա Ռոնանը:

Նշվածից բացի կինոգործիչները և ֆիլմերը կպայքարեն նաև ևս 20 անվանակարգերում: