Եղանակն՝ այսօր
ԱՄՆ-ում գրանցվել է Զիկա վիրուսի` մարդուց մարդուն փոխանցվելու առաջին դեպքը
ԱՄՆ Տեխաս նահանգում գրանցվել է Զիկա վիրուսի` մարդուց մարդուն փոխանցվելու առաջին դեպքը, ինչի մասին հայտնում է The Guardian-ը:
Պարբերականը մանրամասնում է, որ վիրուսը փոխանցվել է սեռական ճանապարհով:
Հիվանդությունների վերահսկման ու կանխարգելման դալասյան կենտրոնը հաստատել է, որ վարակումը տեղի է ունեցել ոչ թե մոծակի խայթոցից, այլ սեռական կոնտակտի հետևանքով։
Հայտնի է, որ իր զուգընկերոջը վարակած անձը վերջերս էր ԱՄՆ վերադարձել այն երկրից, որտեղ Զիկա վիրուսն ակտիվորեն տարածվում է:
«Այժմ մենք գիտենք, որ Զիկան փոխանցվում է նաև սեռական ճանապարհով, ուստի՝ կոչ եմ անում բոլորին պահպանել զգոնությունն ու պահպանակներ օգտագործել»,-նախազգուշացրել է կենտրոնի ներկայացուցիչ Զաքարի Թոմփսոնը:
Հիշեցնենք, որ Առողջապահության համաշխարհային կազմակերպությունն օրերս հայտարարել է, որ Զիկա վիրուսը համաշխարհային սպառնալիք է մարդկության համար:
Studio One