Եղանակն՝ այսօր
ՌԴ նախագահի հրամանով մարտի 15-ից Սիրիայից դուրս կբերվեն ռուսական հիմնական զորքերը
ՌԴ նախագահ Վլադիմիր Պուտինը հրահանգել է մարտի 15-ից սկսել դուրս բերել ռուսական զորքերը Սիրիայից: Նրա խոսքով` հանձնարարականը, որը դրվել էր բանակի առաջ «ընդհանուր առմամբ կատարվել է»:
Ինչպես հաղորդում է Meduza գործակալությունը` այս հայտարարությամբ ՌԴ առաջնորդը հանդես է եկել ՌԴ պաշտպանության նախարար Սերգեյ Շոյգուի և ԱԳ նախարար Սերգեյ Լավրովի հետ հանդիպման ժամանակ:
«Կարծում եմ, որ ՊՆ-ի առաջ դրված հանձնարարությունները, ընդհանուր առմամբ, իրագործվել են: Այդ իսկ պատճառով հրամայում եմ վաղվանից սկսել մեր զինվորական խմբերի մի մասի դուրս բերումը Սիրիայից», - ասել է Պուտինը նախարարների հետ հանդիպմանը:
Նա հույս է հայտնել, որ ռուսական զորքերի դուրս բերումը Սիրիայից լավ խթան կդառնա այդ երկրի քաղաքական ուժերի միջև բանակցային գործընթացի համար:
ՌԴ նախագահն ընդգծել է, որ ռուսական կետերը Տարտուսում և Խմեյմին ռազմաբազայում կշարունակեն աշխատել նախկին ռեժիմով:
Նախագահը հանձնարարել է Լավրովին ակտիվացնել ՌԴ-ի մասնակցությունը Սիրիայում խաղաղ գործընթացի կազմակերպման գործում:
ТАСС գործակալության փոխանցմամբ` ՌԴ նախագահի մամլո քարտուղար Դմիտրի Պեսկովը հայտնել է, որ Պուտինը Սիրիայի նախագահ Բաշար ալ-Ասադի հետ համաձայնեցրել է ռուսական զորքերի դուրս բերումը Սիրիայից:
Studio One