Դամասկոսում ՌԴ դեսպանատան վրա կրակել են ականանետից
Դամասկոսում Ռուսաստանի Դաշնության դեսպանատան շենքը ահաբեկչական հարձակման է ենթարկվել, այս մասին գրում է ռուսական interfax.ru գործակալությունը:
Գործակալության փոխանցմամբ` ահաբեկիչները ականանետից կրակ են բացել ՌԴ դեսպանատան ուղղությամբ:
Ռուսաստանի ԱԳՆ-ի պաշտոնական հայտարարության համաձայն` ականանետային հարձակումն իրականացվել է Դամասկոսի մերձակայքում գտնվող Ջոբար շրջանից, որը գտնվում է «Ջաբհաթ ալ նուսրա» ահաբեկչական խմբավորման վերահսկողության տակ:
Հայտարարության մեջ նաև ասվում է, որ միայն երջանիկ պատահականության շնորհիվ է, որ դեսպանատան աշխատակիցներից որևէ մեկը չի տուժել: Վնասները նյութական են:
«Այս հարձակումը մենք դիտարկում ենք ԱՄՆ-ի և նրա մի քանի համակիրների գործունեության հետևանք, որոնք հրահրում են Սիրիայում արյունալի հակամարտության շարունակությունը»,- ասվում է հայտարարության մեջ:










