Ukip-ի պատգամավորը ծանր վիճակով տեղափոխվել է հիվանդանոց Եվրոպական խորհրդարանում տեղի ունեցած վիճաբանությունից հետո (լուսանկար)

18:15 • 06.10.16

Միացյալ Թագավորության անկախության կուսակցության (UKIP) պատգամավոր Սթիվեն Վուլֆը ծանր վիճակում տեղափոխվել է հիվանդանոց այն բանից հետո, երբ ուշագնաց է եղել Ստրասբուրգում Եվրոպական խորհրդարանի շենքում կուսակցության ապագայի վերաբերյալ պատգամավորների հանդիպման ժամանակ տեղի ունեցած կռվից հետո. այս մասին հայտնում է The Guardian-ը:

 

«Կուսակցության ժամանակավոր առաջնորդ Նայջել Ֆարաջը հայտնել է, որ կռիվը տեղի է ունեցել պատգամավորների հանդիպման ժամանակ: Վուլֆի վիճակը ծանր է»,- հավելել է նա:

 

Ֆարաջի նախկին խորհրդական Ռահիմ Քասամն իր հերթին հայտնել է, որ Վուլֆի կյանքին վտանգ է սպառնում:

 

Միջադեպին ծանոթ աղբյուրները հայտնել են, որ Վուլֆին հարվածել են հանդիպման ժամանակ, բայց նա այդ ժամանակ դեռ չի վատացել: Վուլֆն ուշագնաց է եղել, երբ պատգամավորները գնացել են Եվրոպական խորհրդարանում նախատեսված քվեարկության:

 

Կուսակցության պատգամավոր Նեյլ Համիլթոնը BBC-ին հայտնել է, որ հանդիպման մասնակիցներից մեկի փոխանցմամբ՝ Վուլֆին հարվածել են, ինչի պատճառով վերջինս գլուխը հարվածել է պատուհանին:

 

A picture showing Steven Woolfe apparently collapsed at the European Parliament