Հալեպի Նոր Գյուղ թաղամասում հայուհի է վիրավորվել

15:28 • 14.10.16

Հալեպի հայաշատ Նոր Գյուղ թաղամասում վերսկսված հրթիռակոծության հետևանքով հայուհի է վիրավորվել, գրում է «Գանձասարը»: 


Վիրավորված Լեդա Գյուլյուզյանը տուժել է Հալեպի «Սիս» համայնքային համալիրի 3-րդ շենքի հետնամասի հրթիռակոծության ժամանակ: Նրա վիճակը բժիշկները կայուն են գնահատում:



Հրթիռակոծության են ենթարկվել նաև Թելեֆոն Հաուայի, Սուլեյմանիե, Շեյխ Թահա թաղամասերը: 


Հիշեցնենք, որ սեպտեմբերի 30-ին Հալեպի Վիլլաներ և Նոր Գյուղ թաղամասերում հրթիռակոծության հետևանքով մահացել էր 5, վիրավորվել՝ 11 հայ: Հոկտեմբերի 4-ի հրթիռակոծության ժամանակ մահացել է 3 հայ: