Շվեդիայի ակադեմիայի ներկայացուցիչները դեռ չեն կարողացել անձամբ զրուցել Նոբելյան մրցանակակիր Բոբ Դիլանի հետ

Շվեդիայի գիտությունների թագավորական ակադեմիայից դեռ որևէ մեկին չի հաջողվել անձամբ զրուցել ամերիկացի երաժիշտ Բոբ Դիլանի հետ, որն արժանացել է գրականության ոլորտում Նոբելյան մրցանակի, հաղորդում է ТАСС-ը` հղում անելով մամուլի հետ կապերի պատասխանատու Ուլրիկա Չելինին:

«Մենք կապվել ենք Բոբ Դիլանի գործակալի հետ, սակայն երաժիշտը քնած է եղել համերգից առաջ (Լաս Վեգասում), այդ պատճառով չկարողացանք անձնապես խոսել նրա հետ»,- պատմել է Չելինը:

Նա նշել է, որ շվեդական ակադեմիայի մշտական քարտուղար Սառա Դանիուսն ամբողջ երեկո փորձել է հեռախոսակապ հաստատել Դիլանի հետ: Նրա խոսքով` երաժշտի հետ անհրաժեշտ է կապ հաստատել՝ մասնավորապես իմանալու համար, թե արդյոք նա կներկայանա մրցանակաբաշխության արարողությանը, որը կայանալու է դեկտեմբերի 10-ին:

Հիշեցնենք, որ 2016 թվականին գրականության ոլորտում նոբելյան մրցանակը շնորհել են ամերիկացի երաժիշտ և հեղինակ-կատարող Բոբ Դիլանին: