Օպտիմալացումը վաղուց նախապատրաստում էինք, բայց վարչապետի հանձնարարականից հետո պետք է արագացնենք. Ռադիկ Մարտիրոսյան

09:45 • 28.10.16



Գիտությունների ազգային ակադեմիայի նախագահ Ռադիկ Մարտիրոսյանի խոսքով՝ վարչապետ Կարեն Կարապետյանի հանձնարարականից հետո իրենք նախապատրաստվում են օպտիմալացման գործընթացի. նպատակը լինելու է ուժերի համակենտրոնացումը: Tert.am-ի հետ զրույցում ԳԱԱ նախագահը անդրադարձել է Հայաստանի կրթության և գիտության ոլորտի հիմնախնդիրներին և խոսել նաև ռազմաարդյունաբերության ոլորտի հնարավորություններից:

-Պարո՛ն Մարտիրոսյան, խոսակցություններ կան, որ Գիտությունների ազգային ակադեմիայում՝ հատկապես բնագիտական ուղղություններ ունեցող ինստիտուտներում վարչապետ Կարեն Կարապետյանի հանձնարարականից հետո օպտիմալացման գործընթաց է սկսվել: Գիտաշխատողներից յուրաքանչյուրը մտավախություն ունի, որ հենց ինքը  կընկնի հարվածի տակ: Իրականում կա՞ արդյոք նման գործընթաց կամ մտադրություն:

-Օպտիմալացման խնդիրը մեր համակարգում, կարելի է ասել, գոյություն ունի անընդհատ․ առաջին հերթին մենք ներքին օպտիմալացման խնդիրն ենք լուծում, որովհետև գիտական ուսումնասիրություններն ունեն հնարավորություն ժամանակի ընթացքում փոխվելու, իսկ սա նշանակում է, որ մանավանդ երբ հնարավորությունները սուղ են, ուժերը պետք է կենտրոնացնել այս կամ այն կարևորագույն ուղղության վրա, որտեղ սպասում ենք այնպիսի արդյունքներ, որոնք արդարացված են: Այսինքն՝ պետք է լինի բաժինների վերակազմակերպում, լաբորատորիաների միացում և այլն:

Օպտիմալացումն անցել է բավական երկար ժամանակ՝ փոխվել են գիտական ուղղությունների շեշտադրումները, օրինակ՝ այսօր ամբողջ աշխարհում բնագիտական ուղղություններից զարգանում է կյանքի որակի զարգացման ուղղված գիտությունը՝ գիտություն՝ կյանքի մասին: Այս ամենը հաշվի առնելով՝ օպտիմալացումն անցնում է իր ճանապարհը և անհրաժեշտություն է դառնում:

Հիմա արդեն վարչապետի կոնկրետ հանձնարարական կա՝ բոլոր գերատեսչությունները պետք է քննարկեն իրենց մոտ օպտիմալացման հնարավորությունները և պարզեն տարբեր ՊՈԱԿ-ների, կազմակերպությունների նպատակահարմարությունը և այլն:

Մենք պետք է անենք նախապատրաստական աշխատանք: Օպտիմալացման գործընթացը վաղուց նախապատրաստում էինք, բայց քանի որ կա վարչապետի հանձնարականը, պետք է արագացնենք:

Ամբողջ աշխարհում գիտական արդյունավետության չափանիշներ են հաշվի առնվում՝ թե գիտությամբ զբաղվող մարդու կամ կազմակերպության արդյունավետությունն ինչպես չափել՝ կան մոտեցումներ, չափանիշներ: Համեմատելով այդ չափանիշները, գնահատելով դրանք՝ կունենանք մի սանդղակ, որտեղ տեսանելի կլինի, թե ովքեր են լավ աշխատում, որ կազմակերպությունները պետք է միացվեն, ուժերը համակենտրոնացնել և այլն: Նպատակն էլ մեխանիկական միացումը չէ, այլ  ուժերի համակենտրոնացումն է: Մենք նախապատրաստվում ենք օպտիմալացման այդ համակարգը ներդնելուց հետո:

-Բոլոր կառավարություններն էլ  իրենց գործունեությունը սկսելիս պատվիրում են կազմակերպություններին օպտիմալացում՝ նպատակ ունենալով խնայողությունների հաշվին բյուջեն համալրել: Այս կառավարությունն էլ օրիգինալ չէր։ Սակայն արժե՞ խնայողություն անել գիտության ոլորտում, որտեղ գիտաշխատողի աշխատավարձը 50 000-60 000  դրամ է:

-Ձեր հարցադրումը միանգամայն ճիշտ է: Մի կողմից եթե հարցը դրվում է ընդհանուր օպտիմալացման մասին, պետք է համաձայնենք, որ իսկապես կան ոլորտներ, որտեղ պետք է օպտիմալացումներ լինեն: Իհարկե գիտությունն այն բնագավառը չէ, որ օպտիմալացումը (եթե խոսքը գնում է ոչ միայն ուժերի համակենտրոնացման մասին, այլ խնայողություններ ապահովելու մասին- Ռ․ Մ․) արդարացված պետք է համարել: Մենք այստեղ օգուտ չունենք, որովհետև Գիտությունների ազգային ակադեմիայի տարեկան բյուջեի ստացած գումարը հավասար է տարեկան բյուջեի 0․5 տոկոսին: Եթե մենք խնայողություն ենք ցանկանում տեսնել օպտիմալացման մեջ, խնդիր չենք լուծի:

Այդ իմաստով չարժե, որ դրա համար մենք բարոյական, հոգեբանական և այլ խնդիրների առաջ կանգնենք, որովհետև մեր գիտության մեջ տարեց մարդկանց թիվն ավելանում է: Գիտնականների 50 տոկոսը 50-60 տարեկան մարդիկ են: Այդ մարդիկ ամբողջ կյանքում զբաղվել են գիտությամբ: Եթե մենք, ենթադրենք, օպտիմալացում ենք անցկացնում, և այս մարդիկ օպտիմալացման արդյունքում պետք է կրճատվեն, ինչո՞վ պետք է զբաղվեն նրանք այդ տարիքում:

-Իսկ ինչպե՞ս եք պատկերացնում գիտության զարգացումը, եթե հիմնականում Հայաստանում գիտությամբ զբաղվում  է ավագ սերունդը. փաստորեն գիտությունը ծերանում է: Ո՞վ է ապագայում շարունակելու գիտությամբ զբաղվել, եթե նաև հաշվի առնենք այն հանգամանքը, որ գիտության մեջ հաջողած այսօրվա երիտասարդներն էլ նախընտրում են դրսում ապրել և աշխատել՝ ֆինանսապես իրենց ապահովելու նպատակով:

-Թվում է, թե Ձեր նշած խնդիրների համար լուծումներ գտնելը դժվար է, բայց պետք է ասեմ, որ, ըստ էության, նույնիսկ սկսած 2006 թվականից երիտասարդ կադրերի թիվն ավելացել է, մոտավորապես 30 տոկոսն է կազմում: Կադրային տեսանկյունից դժվարություն ունենք միջին սերնդի համար: Գիտության քաշող ուժը երիտասարդ սերունդը չէ, այլ՝ տվյալ պահին միջին սերունդն է՝ 40-55 տարեկանները:

Մյուս կողմից էլ ասեմ, որ մեր երիտասարդության մեջ կա մի խավ, որը շատ է սիրում գիտությունը:

-Մտավախություն չկա՞, որ նույն այդ սերունդը հիասթափությունների առջև կկանգնի՝ աջակցություն չստանալով:

-Դե գիտեք հիասթափություններ էլ են լինում: Բայց երիտասարդների համար հիմա ստեղծված են հնարավորություններ: Երիտասարդների համար բավականաչափ աշխատում ենք, միշտ չէ, որ դա ամեն տեղ է հաջողում, բայց գոյություն ունեն ծրագրեր, որոնք ամեն դեպքում ապահովում են երիտասարդների մինիմալ պահանջները և հեռանկարներ են առաջարկում ապագայում համար:

Իհարկե, խնդիրները մինչև վերջ լուծված չեն, մենք չունենք այն հնարավորությունները, որոնցով երիտասարդներին պահենք: Խնդիրը, որ երիտասարդը մեզ մոտից կարող է գնալ ուրիշ տեղ աշխատելու, միշտ էլ եղել է՝ ոչ միայն այս օրերին, այլ նաև դարերի ընթացքում:

-Գիտության հիմքում ընկած է կրթությունը: Այսօր բուհեր են ընդունվում քննություններում նվազագույն շեմը հաղթահարած դիմորդներ, անգամ կրկնուսույցների մոտ չեն պարապում՝ վստահ լինելով, որ համալսարան կընդունվեն: Ձեր կարծիքով՝ դա գիտության  զարգացման համար վտանգ չի՞  ներկայացնում: Դուք դրա հետ կապված մտահոգություններ չունե՞ք:

-Գիտության վրա դա ունի անմիջական ազդեցություն: Մեզ բոլորիս շատ մտահոգում է այդ երևույթը, որովհետև մենք նախկինում երիտասարդության մեծ խավից համալսարանական կրթության համար ջոկում էինք  լավագույններին: Այսօր այդ ընտրության հնարավորությունը փաստորեն չկա, որովհետև մի կողմից՝ ցանկացողների թիվն է պակասել, մյուս կողմից՝ հենց նրանց՝ երիտասարդների թիվն է պակասել, և երրորդը՝ մեր հանրակրթական վիճակը հասել է նրան, որ երիտասարդի գիտելիքի տեսակետից մենք ունենք մեծ դժվարություններ:

-Ձեր կարծիքով՝ ինչպե՞ս պետք է հաղթահարենք այդ դժվարությունները:

-Ես կարծում եմ, որ մեր հանրակրթության ասպարեզում փորձեր շատ արեցինք. տարբեր բնույթի՝ միջազգային կազմակերպությունների միջամտությամբ, տարբեր նպատակներով, տարբեր խնդիրներ լուծելով և այլն, մենք կուրորեն հետևեցինք բոլոր տիպի երաշխավորություններին՝ առանց հաշվի առնելու մեր ազգային, մարդկային, մենթալիտետի, ֆիզիկական հնարավորությունները: Մենք աշխարհագրական տեսակետից ապրում ենք  մի երկրում, որտեղ ֆիզիոլոգիական խնդիրների հետ ենք առնչվում, որ մեր դպրոցականը ավելի շուտ է հասունանում:

Գուցե ժամանակին դպրոցում չկար շախմատ, կրոնի պատմություն և այլն, բայց կար ուժեղ ֆիզիկա, մաթեմատիկա, քիմիա, գրականություն, լեզու և այլն. այն գիտելիքը, որը հետագայում հենք է հանդիսանում նոր, ավելի բարդ գիտելիքներ ստանալու համար:

Ես կարծում եմ, որ պետք է փոխել, մեր հանրակրթությանը կազմակերպման նոր ձևեր են պետք, որոնք նպաստեն նորից բարձր մակարդակի կրթություն ունենալուն:

-Պարո՛ն Մարտիրոսյան, հիմա, երբ նոր կառավարություն է նշանակվել, տարբեր ոլորտի ներկայացուցիչներ հանդիպումներ են ունենում վարչապետի հետ և «լոբբինգ» անում իրենց ոլորտը՝ վարչապետի ուշադրությունը հրավիրելով հենց այդ ոլորտի վրա: Դուք, որպես գիտության ոլորտի կարևոր դերակատարներից մեկը, վարչապետի հետ քննարկե՞լ եք ոլորտի խնդիրները, դրանց լուծման առաջնահերթությունները: Տեղյա՞կ եք՝ ի՞նչ մտադրություններ ունի վարչապետը գիտության ոլորտը զարգացնելու հարցում:

-Մենք մեկ անգամ ենք ունեցել կարճ հանդիպում: Ներկա էի ոչ միայն ես, այլ նաև Կրթության նախարարության, Պետական կոմիտեի աշխատողներն էլ էին: 2017 թվականի պետական բյուջեի՝ կրթությանը վերաբերող հարցն էինք քննարկում:

Այստեղ եղել է մի փոքր խոսակցություն գիտության տարբեր ճյուղերի, գիտության զարգացումների վերաբերյալ, կարճ արձագանք էր: Քանի որ վարչապետին հիմնականում հետաքրքրում են տնտեսության զարգացման թեմաները, նա ցանկանում էր, որ գիտության ոլորտում շեշտը դրվի կիրառական աշխատանքների վրա: Նա ասում էր, որ այն միջոցները, որոնք սուղ են, գոնե ուղղվեն կիրառական բնույթի և փորձակոնստրուկտորական աշխատանքների վրա:  

Երևի մոտակա տարին շեշտը պետք է դնել այն մշակումների վրա, որոնք կարող են նպաստել մեր տնտեսության զարգացման վրա: Մենք միշտ էլ դա անում ենք, հիմա էլ ենք անում:

-Մեկ այլ հարցի շուրջ էլ կցանկանայի խոսեինք: Այս տարի Ձեր՝ ԳԱԱ նախագահ վերընտրվելը մամուլում քննարկումների առիթ դարձավ: Անգամ լրագրողներից մեկը հարց ուղղեց ԿԳ նախարարին՝ ինչո՞ւ առավել երիտասարդ  մեկը չի դառնում ԳԱԱ նախագահ, որը նաև նորագույն տեխնոլոգիաներին կտիրապետի: Դուք ի՞նչ կասեք դրա վերաբերյալ:

-Ես չորրորդ նախագահն եմ, ինձնից առաջվա նախագահներն ավելի մեծ տարիքում են վերընտրվել, քան ես: Եթե Դուք նայեք ուրիշ ակադեմիաներին, կտեսնեք, թե գիտության մեջ կարիերան ինչ տարիքում են մարդիկ ունենում: Գիտությունը ծանր աշխատանք է, գիտության մեջ նվաճումներն արագ չեն լինում:

Գիտության մեջ լավագույն դեպքում 30-40 տարեկանում նոր գիտությունների թեկնածու են դառնում, 50 տարեկանում դառնում են գիտությունների դոկտոր, գիտությունների դոկտոր դառնալով՝ ակադեմիայի անդամ չես դառնա: Ակադեմիայի նախագահը պետք է անպայման ակադեմիկոս լինի, իսկ որպեսզի ակադեմիկոս լինես, պետք է ընտրվես երկու անգամ։ Եվ դա տևում է մինչև 60-70 տարեկան: Լա՛վ, ակադեմիկոս դառնալուց հետո էլ պետք է ունենաս մասնագիտական հեղինակություն․ակադեմիայի նախագահը չի կարող գործարար լինել, ինքը պետք է գիտության  ոլորտում ասելիք ունենա: Դրան լրացնելով ասեմ, որ օրերս Մոսկվայում տեղի է ունեցել Ռուսաստանի Գիտությունների ազգային ակադեմիայի ընտրություններ, ես ընտրվել եմ Ռուսաստանի ակադեմիայի արտասահմանյան անդամ:

Չգիտեմ որևէ տեղ, որ շատ երիտասարդ գիտությունների ակադեմիայի նախագահ լինի: Հիմա ինձ մոտ շատ ձգտում էլ չկա․․․ Լավ, չեմ ցանկանում դրա մասին խոսել, ուզում եմ ասել, որ գիտության մեջ այդպես արագ կարիերա չի լինում:

-Պարոն Մարտիրոսյան, որպես մեր զրույցի վերջաբան, կուզեի խոսեինք մեր ռազմաարդյունաբերության ոլորտում եղած խնդիրների և ձեռքբերումների մասին:  Ապրիլյան պատերազմից հետո կա հասարակության մի ստվար զանգված, որ թերահավատությամբ է վերաբերում մեր հնարավորություններին, մի հատվածն էլ մեծ ոգևորությամբ  գովերգում է:  Շատերը դեռ հիշում են Ձեր արտահայտությունը՝ կապված մեր ռազմական պոտենցիալի և հնարավորությունների մասին:  Հիմա, օբյեկտիվորեն գնահատելով իրականությունը, ի՞նչ կարծիքի եք մեր ռազմաարդյունաբերության ոլորտի մասին:

-Մենք բոլորս պետք է անենք այն, ինչ հնարավոր է մեր պաշտպանունակությունը բարձրացնելու, զարգացնելու համար: Տեղական խնդիրները մենք պետք է տեսնենք, լուծենք, որը նաև առնչվում է ինչ-որ գիտական աշխատանքների հետ: Այդպիսի աշխատանքներ միշտ էլ արել ենք, անում ենք, երբեմն օգտագործում ենք ուրիշ՝ քաղաքացիական նպատակի համար, բայց նաև ունի ռազմական նշանակություն: Օրինակ՝ շատ լավ աշխատանքներ ենք անում մեր բանակի սպառազինությունների արդիականացման ոլորտում:

Հիմա ավելի ուշադիր ենք լինելու: Իմ այն ժամանակվա ասածները խոշոր՝ Իսկանդեր կամ ուրիշ մի խոշոր տանկ, հրանոթ և այլն արտադրելու մասին էին: Դրանք մեծ կոլեկտիվի տասնյակ տարիների գիտական աշխատանքի արդյունք են: 

Հռիփսիմե Հովհաննիսյան





Загрузка...

ԼՐԱՀՈՍՕրվա բոլոր նորությունները

16:15 • 21/09

40+1-ը անցնելու ենք, Արտակ Զեյնալյանը կլինի քաղաքապետ. Էդմոն Մարուքյան

16:09 • 21/09

Գերմանական հետախուզությունը կարող է սկսել հետևել երկրում գործող թուրքական մզկիթներին

16:07 • 21/09

Ասանժը մարդկությանն ազատության կորուստ է կանխատեսում

16:05 • 21/09

Եղան հակաքարոզչության առանձին դեպքեր, բայց դրանք չեն նսեմացնում ընդհանուր պատկերը. ՕԵԿ-ն ամփոփեց քարոզարշավը

16:03 • 21/09

Նուրմագոմեդովը` Մաքգրեգորին. Բոլոր հարբեցողներին միևնույն ճակատագիրն է սպասվում

16:00 • 21/09

Երևանի ավագանու և արտահերթ խորհրդարանական ընտրությունները չի կարելի կառավարության վստահության հանրաքվեի վերածել. Ա. Զեյնալյան

15:45 • 21/09

Հայաստանում համաներում պետք է լինի և վերջին անգամ, այն պետք է վերաբերի նաև ցմահ ազատազրկվածների երկու կատեգորիայի. Ավետիք Իշխանյան

15:36 • 21/09

Հենրիխ Մխիթարյանը կարող է բաց թողնել Էվերթոնի հետ խաղը

15:33 • 21/09

Մեսսին ճանաչվել է Չեմպիոնների լիգայի` շաբաթվա լավագույն խաղացող

15:25 • 21/09

ՀՀ նախագահը Երախտագիտության մեդալով պարգևատրել է Դեյվիդ Սքորթոնին և Սաբրինա Լին Մոթլիին

15:22 • 21/09

Էլիզաբեթ 2-րդը հարսանիքից առաջ Մարքլին ստիպել է սառեցնել ձվաբջիջները. լրատվամիջոցներ

15:19 • 21/09

ԱԱԾ սահմանապահ զորքերի հրամանատար Վ. Սարգսյանի պաշտոնավարման ժամկետը երկարաձգվել է

15:12 • 21/09

Երևանի Սայաթ-Նովա պողոտայի շենքերից մեկի մոտակայքում գազի արտահոսքից բռնկված հրդեհը մարվել է

15:07 • 21/09

Նախագահը ՀՀ ԶՈւ գլխավոր շտաբի պետին շնորհեց գեներալ-լեյտենանտի զինվորական կոչում

15:05 • 21/09

Ճակատագրի հեգնանքով՝ այսօր պետք է փրկել հեղափոխության գաղափարները նրանցից, ովքեր այն սկսել են. Ռոբերտ Քոչարյան

14:59 • 21/09

Ադրբեջանը սադրանքներ է իրականացնում Տավուշում՝ գրոհի ուղղությունը փոխելու համար. Աստվածատուր Պետրոսյան (տեսանյութ)

14:53 • 21/09

ՀՀ գյուղատնտեսության նախարարը և ՎԶԵԲ-ի տարածաշրջանային ղեկավար Վոյցեխ Բոնյաշչուկը քննարկել են համագործակցության հարցեր

14:51 • 21/09

Նյու Յորքում 52-ամյա կինը հարձակում է գործել մանկապարտեզի վրա՝ դանակահարելով երեխաների

14:44 • 21/09

Հանրապետության տարածքում ջերմաստիճանը կնվազի 2-3 աստիճանով, այնուհետև աստիճանաբար նույնքան կբարձրանա

14:43 • 21/09

Արմեն Սարգսյանը շնորհավորական ուղերձ է հղել Մալթայի նախագահին անկախության տոնի առթիվ

14:41 • 21/09

Մեր ժողովուրդն առանձնահատուկ է, և պետք է նշանակալի ձեռքբերումներով առանձնահատուկ դարձնել այս տարին. Արմեն Սարգսյան

14:37 • 21/09

Անկախության տոնը՝ Հանրապետության հրապարակում (տեսանյութ)

14:36 • 21/09

Իրանը հերքել է Ռոհանիի՝ Թրամփի հետ հանդիպում խնդրելու վերաբերյալ տեղեկությունը

14:30 • 21/09

Սպիտակ չեք ունենա, եթե չհամախմբեք բոլոր գույները, նույնիսկ սևը. Արմեն Սարգսյանը՝ քաղաքական դաշտը սև ու սպիտակի բաժանելու մասին

14:22 • 21/09

3.7 մլն դոլար. հաղորդավար Էնթոնի Բուրդենի ինքնասպանությունից 3 ամիս անց նրա բնակարանը վաճառքի է հանվել (լուսանկարներ)

14:20 • 21/09

Հրազդան քաղաքում՝ ավտոմեքենայում, օձ է հայտնաբերվել

14:18 • 21/09

Պորոշենկոն դատի է տվել BBC-ին՝ իր մասին աղմկահարույց նյութի հրապարակման համար

14:15 • 21/09

Դեպքի առթիվ ԱՀ ոստիկանությունում որևէ հայտարարություն չէր տրվել. ԱՀ ոստիկանությունը՝ Արցախի Շոշ գյուղում կատարված միջադեպի մասին

14:13 • 21/09

Է. Մարուքյանին տրված տեղեկությունը թերի է կամ ոչ մասնագիտական․ Ա. Նավասարդյանը՝ սոցհարցումների սխալ լինելու հայտարարության մասին

14:08 • 21/09

Մխիթարյանի վիճակագրությունն ու գնահատականը Վորսկլայի հետ խաղում

14:07 • 21/09

Բոլոր պատգամավորներին այսօր առավոտյան ուղարկվել են անհատական հրավերներ. Է. Աղաջանյանը՝ Ա. Աշոտյանի մեղադրանքին ի պատասխան

14:03 • 21/09

«Իմ քայլը»՝ 60.6%, ԲՀԿ 9.2%, «Լույս»՝ 3.4%. «GALLUP International association»-ը ներկայացրեց Երևանի ավագանու ընտրությանն ընդառաջ հարցումների արդյունքները

13:58 • 21/09

Ճապոնական հետազոտական զոնդերը վայրէջք են կատարել Ռյուգու երկնաքարի վրա

13:50 • 21/09

Պերուում Լենինը ցանկանում է խոչընդոտել Հիտլերին քաղաքապետ դառնալու հարցում

13:50 • 21/09

Նուրմագոմեդով-Մաքգրեգոր. կայացել է հայացքների մենամարտը (տեսանյութ)

13:44 • 21/09

Մի՛ բացառեք, որ ևս երեք ամիս հետո ՔՊ-ն հայտարարի, որ պառլամենտական ընտրություններ պետք չեն. Արարատ Զուրաբյան

13:39 • 21/09

«1000 դրամների» հիմնադրամն աստիճանաբար կտարածվի նաև ավելի վաղ տարիներին եղած դեպքերի վրա. Նիկոլ Փաշինյան

13:37 • 21/09

Վետերանների խնդիրները կքննարկվեն և ըստ առաջնահերթության կտրվեն լուծումներ. Ն. Փաշինյանն այցելել է վետերանների միավորում

13:35 • 21/09

Ավստրիացի ընթերցողներին կներկայացվեն ՀՀ-ի և Ավստրիայի միջև ձևավորված համագործակցության արդյունքները գյուղատնտեսության ոլորտում

13:32 • 21/09

Պետք է հարգենք անմեղության կանխավարկածը. Արա Կետիկյանը երես չի թեքել Մանվել Գրիգորյանից (տեսանյութ)

13:30 • 21/09

Հայ-թուրքական սահմանը հատած 16-ամյա թուրք տղայի հայրը կժամանի Հայաստան՝ որդուն տանելու․ Ermenihaber

13:18 • 21/09

Անկախության տոնի առթիվ ՀՀ նախագահը պարգևատրել է մի խումբ զինծառայողների և ազատամարտիկների (լուսանկարներ)

13:17 • 21/09

Մեքսիկայի նորընտիր նախագահը խոստացել է նախագահական պալատում ցանցաճոճ կախել

13:11 • 21/09

Ա. Թաթոյանն ու աշխատակազմի ներկայացուցիչները Բաղանիսում են՝ գնդակոծությունների վերաբերյալ փաստահավաք աշխատանքներ իրականացնելու

13:06 • 21/09

Վարչապետին է ներկայացվել Սահմանադրության նախագիծ, որով նախատեսվում է բոլոր ընտրությունները 2 տարին մեկ անգամ անցկացնել. Պ. Հայրիկյան (տեսանյութ)

13:01 • 21/09

Մերկելն արհամարհել է Թերեզա Մեյին՝ հրաժարվելով սեղմել նրա ձեռքը (տեսանյութ)

12:58 • 21/09

Տիագո Սիլվան կարող է հեռանալ ՊՍԺ-ից. իտալական ակումբները հետևում են իրավիճակին

12:55 • 21/09

Անթույլատրելի է, որ ՀՀ որևէ քաղաքացի այլ քաղաքացու հետ հարաբերվի վիրավորանքներով. Ն. Փաշինյանը զորակցություն է հայտնում Ն. Զոհրաբյանին

12:47 • 21/09

Քաղաքական փոփոխությունները չեն կարող ազդել մեր անկախության վրա, հակառակը՝ ամրապնդում են այն. Դավիթ Տոնոյան

12:41 • 21/09

Փարիզում ավտոբուսի վարորդը հարվածել է դպրոցականի դեմքին և օգտատերերի աջակցությանն արժանացել (տեսանյութ)

12:41 • 21/09

Պատասխանատվությամբ հայտարարում եմ՝ Ապրիլյան պատերազմի ժամանակ զինտեխնիկայում վառելիքի փոխարեն ջուր չի եղել, երբևէ նման բան չի եղել. Լ. Մնացականյան

12:39 • 21/09

Արամ Ա. Կաթողիկոսը կոչ է արել հեռու մնալ ներքին բևեռացումներ ու լարվածություն առաջացնող մոտեցումներից

12:28 • 21/09

Թուրքիայում ձերբակալված ավստրիացի լրագրողը դատարանի որոշմամբ կալանավորվել է

12:25 • 21/09

Ավագյան-Սմիռնով, Երիցյան-Պրիետո. կայացել է հայացքների մենամարտը (լուսանկարներ)

12:20 • 21/09

«Հայկական հողում ոչ մի վախ չկա». հայտնի ռուս բլոգերը պատմել է Արցախ կատարած այցի մասին

12:13 • 21/09

«Սասունցի Դավիթ» ջոկատի հրամանատարը կդառնար 60 տարեկան. հուշ-երեկո՝ նվիրված Աշոտ Մանուկյանին

12:11 • 21/09

Ես մրցակցության մեջ չեմ Նիկոլ Փաշինյանի հետ, բայց Փաշինյանը մրցակցության մեջ է բոլորի հետ. Արարատ Զուրաբյան

12:01 • 21/09

Հայտնի է դարձել Վիետնամի նախագահի մահվան պատճառը

11:59 • 21/09

Արսենալի ֆուտբոլիստ Պիեր-Էմերիկ Օբամեյանգի հայրը դարձել է Գաբոնի հավաքականի մարզիչը

11:56 • 21/09

Անկախության օրվա առթիվ նախագահի նստավայրում ընթանում է պարգևատրման արարողություն (տեսանյութ)

11:51 • 21/09

ԱՄՆ-ը հավատարիմ է մնում ԼՂ հակամարտության խաղաղ կարգավորման իր հանձնառությանը. Մայք Պոմպեոն շնորհավորական ուղերձ է հղել

11:39 • 21/09

Թբիլիսիի հեռուստաաշտարակը լուսավորվել է հայկական եռագույնի գույներով (տեսանյութ)

11:37 • 21/09

Չի գաղտնազերծվել 0038 հրամանի այն մասը, որը կարող է վտանգել ոչ թե անձանց, այլ մեր ազգային անվտանգությունը․ Դավիթ Տոնոյան (տեսանյութ)

11:32 • 21/09

Ձյուդոիստ Ֆերդինանդ Կարապետյանը հայտնել է, որ չի մասնակցի Բաքվում կայանալիք աշխարհի առաջնությանը

11:30 • 21/09

Մեր վերջին 20 տարիներն անկախության կորստի տարիներ են եղել, որովհետև քաղաքացին սկսեց խեղճանալ, ընկճվել, իր ազատատենչությունն անկյուն սեղմվեց. Արամ Մանուկյան (տեսանյութ)

11:28 • 21/09

ԱՄՆ-ում հոգեհանգստի արարողության ժամանակ հրաձգություն է տեղի ունեցել, արձակվել է մոտ 15 կրակոց

11:20 • 21/09

Ստամբուլում ցուցադրության են հանվել Տիգրան Ձիթողցյանի կտավները

11:18 • 21/09

Շարունակելու ենք ամրապնդել երկրի անկախությունն ու անվտանգությունը՝ սերունդներին թողնելով խաղաղ, կայուն ու զարգացած հայրենիք. Արմեն Գրիգորյան

11:16 • 21/09

Տեսախցիկը ֆիքսել է՝ ինչպես «Ալի» ուժեղ փոթորիկը Boeing-ին թույլ չի տալիս վայրէջք կատարել (տեսանյութ)

11:10 • 21/09

Ճապոնիայի մշակույթի փոխնախարարն ինքնակամ հեռացել է պաշտոնից՝ կոռուպցիոն սկանդալից հետո

11:01 • 21/09

Սահմանին այս պահին իրադրությունը հարաբերական կայուն է․ Դավիթ Տոնոյան (տեսանյութ)

10:54 • 21/09

Հենրիխ Մխիթարյան. Արսենալը կփորձի հաղթել Եվրոպա լիգայում

10:54 • 21/09

«Առավոտ». Օրինազանցները չպիտի բաժանվեն «մերոնքականների» և «թշնամիների». պետության ներսում թշ­նամիներ պետք է ընդհան­րապես չլինեն

10:53 • 21/09

Խաղաղասեր քաղաքացիական մարդու կյանքն ու առողջությունը պետք է լինեն լիարժեք պաշտպանված. ՄԻՊ-ի ուղերձը

10:46 • 21/09

Սկրիպալների թունավորման համար կասկածվող ռուսներն ամիսներ առաջ ձերբակալվել են Նիդեռլանդներում. Bellingcat միջազգային խումբ

10:46 • 21/09

«Սանիտեկ» ընկերության նոր աղբահան մեքենաներն արդեն Երևանում են. նախարար

10:39 • 21/09

Եվրոպա լիգա. հայտնի են շաբաթվա լավագույն ֆուտբոլիստի կոչման հավակնորդները

10:35 • 21/09

Կառավարության և բարձրաստիճան այլ պաշտոնյաներ վարչապետի գլխավորությամբ այցելեցին Եռաբլուր (լուսանկարներ)

10:30 • 21/09

Ռոհանին ՄԱԿ-ի ԳՎ-ի շրջանակում Թրամփի հետ հանդիպում է խնդրել

10:27 • 21/09

«Ժողովուրդ». Նոր իշխանությունը գնում է նախորդների ճանապարհով. բուհերի կառավարման խորհուրդներում ՀՀԿ-ականներին փոխարինել են ՔՊ-ականները

10:24 • 21/09

Թուրքիայում վերջին 5 տարում բռնության է ենթարկվել շուրջ 60.000 բուժաշխատող

10:17 • 21/09

Մենք ժողովրդի հավաքական իմաստությամբ հաղթահարում ենք բոլոր փորձությունները, վստահ եմ՝ հիմա էլ այդպես կլինի. Ա. Բաբլոյանի շնորհավորական ուղերձը

10:13 • 21/09

«Ժամանակ». ԲՀԿ-ական խաղեր. Արմավիրի մարզի Եղեգնուտ համայնքում իրավիճակը գնալով լարվում է

10:12 • 21/09

Եվրոպայի խորհուրդը պահանջ է ներկայացրել Թուրքիայի իշխանություններին՝ Դինքի դատավարության հետ կապված

09:55 • 21/09

«Ժամանակ». ՀԱՊԿ-ը հասկացրել է, որ Երևանն իր վրա հույս չդնի

09:47 • 21/09

Google-ը շնորհավորել է ՀՀ Անկախության 27-ամյակը

09:41 • 21/09

Մահացել է Վիետնամի նախագահը

09:38 • 21/09

Ապացուցեցինք, որ երազանքը կարող է իրականություն դառնալ և այսօր ունենք նոր երազանքներ. Արմեն Սարգսյանի շնորհավորական ուղերձը

09:32 • 21/09

«Հրապարակ». Դատախազությունում քաոս է. ինչպե՞ս է դասավորվելու գլխավոր դատախազ Արթուր Դավթյանի ճակատագիրը

09:27 • 21/09

Հայ ժողովուրդը միշտ հավատացել է իր պայքարի, երազանքների հաղթանակին. Բակո Սահակյանն ուղերձ է հղել Ն. Փաշինյանին

08:55 • 21/09

«Ժամանակ». ԱԺ-ն լուծարելու միակ հնարավոր տարբերակը մնացել է Նիկոլ Փաշինյանի հրաժարականը

08:48 • 21/09

«Ժողովուրդ». Չի բացառվում, որ Ռոբերտ Քոչարյանի գործն ուղարկվի ՍԴ

08:38 • 21/09

«Հրապարակ». Նախընտրական այս շրջա­նում ՊԵԿ-ը դադարեցրել է գրեթե բոլոր ստուգումները

08:30 • 21/09

Հայաստանն այսօր տոնում է Երրորդ Հանրապետության անկախության 27-ամյակը

08:20 • 21/09

«Ժողովուրդ». Իրավապահների համար մոտավորապես պարզ է ԱԱԾ և ՀՔԾ պետերի հեռախոսազրույցի գաղտնալսումն իրականացրած անձանց շրջանակը

08:01 • 21/09

Երևանում և 3 մարզում սեպտեմբերի 24-ին էլեկտրաէներգիայի պլանային անջատումներ կլինեն

07:57 • 21/09

ԱՄՆ-ի Սիրակյուս քաղաքում հրաձգություն է տեղի ունեցել. տուժել է 7 մարդ, այդ թվում` երեխաներ

07:23 • 21/09

ՆԱՍԱ-ն հրապարակել է Արեգակն ուսումնասիրելու համար գործարկած զոնդի՝ Երկիր ուղարկված առաջին լուսանկարը

06:54 • 21/09

Օգտատերերը հայտնել են Facebook-ի աշխատանքում խափանումների մասին

06:34 • 21/09

Արտակարգ դեպք Երևանում. դանակահարել են 23-ամյա և 27-ամյա եղբայրների. shamshyan.com