«Ադմիրալ Կուզնեցով» ավիակիրը սկսել է մասնակցել Սիրիայում ռազմական գործողություններին

16:17 • 15.11.16

Ռուսաստանի Դաշնության պաշտպանության նախարար Սերգեյ Շոյգուն հայտարարել է, որ «Ադմիրալ Կուզնեցով» ավիակիրը սկսել է մասնակցել Սիրիայում ռազմական գործողություններին, գրում է «ՌԻԱ Նովոստի»-ն:


«Այսօր ժամը 10:30-ին և 11:00-ին մենք սկսել ենք Իդլիբի և Հոմսի շրջաններում «Իսլամական պետություն» և «Ջեբհաթ ան-Նուսրա» խմբավորումների դիրքերին հարված հասցնելու մեծ գործողություն»,- հայտարարել է Շոյգուն:


Նախարարի խոսքով՝ հարվածներն իրականացվում են Սիրիայում ահաբեկիչների գործարանների ուղղությամբ:


Սիրիայում թիրախների ուղղությամբ հրթիռներ է բաց թողել նաև «Ադմիրալ Գրիգորովիչ» արագընթաց հածանավը: