Անջելինա Ջոլին 6 երեխաների հետ հանդիպել է Կամբոջայի միապետին (լուսանկարներ)

12:41 • 19.02.17

Հոլիվուդյան հայտնի դերասանուհի և ռեժիսոր Անջելինա Ջոլին իր 6 երեխաների հետ մեկնել է Կամբոջա, որտեղ ներկայացրել է իր նոր ռեժիսորական աշխատանքը՝ «Սկզբից նրանք սպանեցին իմ հորը. Կամբոջայի դստեր հիշողությունները» կինոնկարը՝ նկարահանված Լունգ Անգի համանուն գրի հիման վրա:

Ինչպես նշում է Tatler-ը, իր այցի շրջանակում Ջոլին և նրա երեխաները հանդիպել են Կամբոջայի միապետ Նորոդոմ Սիամոնիին:

«Կամբոջան իմ ավագ որդու՝ Մեդոքսի հայրենիքն է և իմ երկրորդ տունը: Հենց այդ պատճառով էլ նոր կինոնկարի առաջին ցուցադրության համար այս վայրն էմ ընտրել: Ֆիլմում փորձել ենք արտացոլել կարմիր խմերներից տուժած կամբոջացի ժողովրդի ամբողջ ցավը»,-լրագրողների հետ հանդիպման ժամանակ ասել է Ջոլին:

Հավելենք, որ Ջոլիի երեխաներից 3-րը որդեգիր են, իսկ մյուս 3-ը ծնվել են դերասան Բրեդ Փիթի հետ ամուսնությունից:

Анджелина Джоли Король Камбоджи Нородом Сиамони, Мэддокс и Анджелина Джоли