ԿԸՀ–ում որոշվեց, թե որ ուժը քվեաթերթիկի որ համարի տակ է հանդես գալու ԱԺ ընտրություններին (տեսանյութ)
Կենտրոնական ընտրական հանձնաժողովի նիստում քիչ առաջ վիճակահանության միջոցով, պատահականության սկզբունքով, որոշվեց ընտրություններին մասնակցելու համար գրանցված քաղաքական կուսակցությունների, դաշինքների հերթական համարները։
Մասնակից 9 ուժերի ներկայացուցիչները մոտեցան տարայի մեջ լցված թվերին ու հանեցին այն թիվը, որի տակ հանդես է գալու կուսակցությունը կամ կուսակցությունների դաշինքը։
Դրանք հետևյալն են.
«Ազատ դեմոկրատներ» - 2
ԵԼՔ - 1
«Ծառուկյան դաշինք» - 4
ՀԱԿ - 5
ՀՅԴ - 9
Կոմունիստական կուսակցություն - 7
ՀՀԿ - 6
ՀՎԿ - 3
«Օսկանյան-Րաֆֆի-Օսկանյան» դաշինք – 8։
Այս համարներով են ուժերի քվեաթերթիկները ներկայացվելու քվեարկության օրը։
Հիշեցնենք, որ այսօր ավելի վաղ Կենտրոնական ընտրական հանձնաժողովը գրանցել էր առաջիկա խորհրդարանական ընտրություններին մասնակցելու համար կուսակցությունների և կուսակցությունների դաշինքների համամասնական և տարածքային ցուցակները։










