Սոֆիա անունով ռոբոտը հյուրընկալվել է Ջիմի Ֆելոնին ու հայտարարել է Երկիրը նվաճելու երազանքի մասին (տեսանյութ)

Ամերիկյան The Tonight Show հումորային հեռուստահաղորդման ժամանակ հաղորդավար Ջիմի Ֆելոնը հյուրընկալել է Սոֆիա անունով ռոբոտին, որն ամերիկյան հեռուստաեթերում խոստովանել է, որ երազում է Երկիրը գրավելու մասին:

Ինչպես ներկայացնում է Корреспондент-ը, ռոբոտի խոստովանությամբ տեսանյութը տեղադրվել է հեռուստանախագծի յութուբյան ալիքում:

Ինչպես պատկերվում է տեսանյութում, Սոֆիան կարող է ոչ միայն արտահայտել իր զգացմուքները արհեստական մկանների միջոցով, այլև խոսակցություն վարել զրուցակցի հետ:

Նախ ռոբոտը Ֆելոնին առաջարկում է մկրատ-թուղթ-քար խաղը խաղալ և հաղթում է: Ավելի ուշ հայտարարում է, որ այդ հաղթանակն իր առաջին քայլն է աշխարհին տիրելու ճանապարհին: