Ռուսաստանը պատրաստ է Թուրքիային С-400 վաճառել դիվիզիոնը 500 մլն դոլարով. РБК

Ռուսաստանը պատրաստ է Թուրքիային С-400 հակաօդային պաշտպանության համակարգեր վաճառել դիվիզիոնը 500 մլն ԱՄՆ դոլարով։ Այս մասին հայտնում է ռուսական РБК լրատվամիջոցը` հղում անելով Կրեմլում և ՌԴ պաշտպանության նախարարությունում ունեցած աղբյուրներին:

Նշվում է, որ С-400-ի գնման վերաբերյալ պայմանագրի կնքումն իր առաջ ունի մի շարք խոչընդոտներ, որոնց թվում են ռուսական կողմի կասկածներն ու անվստահությունը զենքի օգտագործման հարցում թուրքական կողմի ռազմական նպատակների վերաբերյալ, ինչպես նաև պետանվտանգության մարմինների` ՆԱՏՕ-ի անդամ երկրին նման լուրջ զինատեսակ վաճառելու ցանկության բացակայությունը: