Պուտինն ու Թրամփը կառուցողական խոսակցություն են ունեցել. Սերգեյ Լավրով
Ռուսաստանի ու ԱՄՆ-ի նախագահներ Վլադիմիր Պուտինի ու Դոնալդ Թրամփի հանդիպումը կառուցողական էր ու հաստատել է փոխշահավետ պայմանավորվածություններ ձեռքբերելու հարցում նրանց վճռականությունը, նշել է ՌԴ արտգործնախարար Սերգեյ Լավրովը՝ ՏԱՍՍ լրատվական գործակալության փոխանցմամբ:
«Բավական երկարատև և շոշափելի հանդիպում էր։ Իմ կարծիքով հաստատվել է, որ նախագահներն առաջին հերթին կարևորում են իրենց երկրների ազգային շահերն ու հետաքրքրությունները և փնտրում փոխշահավետ պայմանավորվածություններ, այլ ոչ թե անիմաստ խնդիրներ ու անհիմն վեճեր ստեղծում»,- ասել է Լավրովը։
Արտգործնախարարը նշել է, որ բավական կառուցողական ոճով են քննարկել և Սիրիան, և Ուկրաինան, և Հյուսիսային Կորեան, և բազմաթիվ այլ հարցեր»։










