Փարիզի արվարձանում թալանել են Վրաստանի դեսպանին

11:30 • 14.08.17

Փարիզի արվարձանում թալանել են Ֆրանսիայում Վրաստանի դեսպան Էկա Սիրաձե Դելոնեին. գողերը տարել են նրա պայուսակը, հայտնում է Parisien-ը:


Լրատվամիջոցի հաղորդմամբ՝ դեպքը տեղի է ունեցել ուրբաթ երեկոյան Փարիզից հյուսիս գտնվող Սեն Դենի թաղամասում:


Երկու անհայտ անձինք սքութերով կանգնել են դիվանագետի մեքենայի կողքին, կոտրել ապակին, վերցրել պայուսակը, ինչից հետո անհետացել հանցագործության վայրից:


Դեսպանը միջադեպի հետևանքով չի տուժել: Մի քանի ժամ անց գողացված պայուսակը հայտնաբերել են հարևան Պյերֆիտ Սյուր Սեն արվարձանում:


Թե արդյոք հարձակվողները տեղյակ էին, որ մեքենայում եղել է դեսպանը, անհայտ է մնում: