Նաիրիտցիները «նախազգուշական» նստացույց են իրականացրել
Կառավարության շենքի առջև այսօր «Նաիրիտ» գործարանի նախկին աշխատակիցները «նախազգուշական» նստացույց են իրականացրել՝ պահանջելով կառավարությունից տրամադրել տեղեկատվություն, թե ինչու մինչև հիմա գործարանում ներդրումներ անելու ցանկություն հայտնած «Եվրամիություն-Ասիա բիզնես ֆինանսական կենտրոն» հոլդինգին կառավարությունը աուդիտ անցկացնելու թույլտվություն չի տվել:
«Կառավարությունից մեզ այդպես էլ չպատասխանեցին, գործընթացի մասին տեղեկատվություն կարողանում ենք ստանալ միայն հոլդինգի ներկայացուցիչներից: Ընկերությունից կառավարությունը մի քանի տարվա գործունեության ֆինանսական հաշվետվություն էր ուզել, որը ներկայացվել է, բայց կրկին պատասխան չկա»,-Tert.am-ի հետ զրույցում նշեց գործարանի աշխատակիցների ցույցերը համակարգող Կարինե Շահվերդյանը:
Նա շեշտեց, որ եթե մինչև մյուս շաբաթ պատասխան չտրվի, անժամկետ նստացույց են հայտարարելու:
«Այսքան տարիների պայքարը արդյունք չի տալիս, գործարանի վերագործարկման ուղղությամբ իշխանությունները քայլեր չեն ձեռնարկում: Այդքան վարչապետ փոխվեց, բայց ոչ ոք գործարկման համար չմտածեց: Կարծես թե շահագրգռված են, որ Նաիրիտը չվերագործարկվի»,-ընդգծեց նա:
Նշեք, որ կառավարությունից դեռ «Եվրամիություն-Ասիա բիզնես ֆինանսական կենտրոն» հոլդինգի հետ բանակցություններից տեղեկատվություն չեն տրամադրում:










