Համացանցում են հայտնվել ամերիկյան Տեխաս նահանգին պատուհասած «Հարվի» հզոր փոթորկի կադրերը (տեսանյութեր)

Համացանցում հայտնվել են ամերիկյան Տեխաս նահանգին պատուհասած «Հարվի» հզոր փոթորկի կադրերը, հայտնում է ABC News-ը՝ իր թվիթերյան էջում հրապարակելով տեսանյութեր։ 

Սպասվում է, որ եղանակային անբարենպաստ պայմանները նահանգում կտևեն մի քանի օր։ Այս շրջանում ավիաընկերությունները չեղարկում են չվերթները, մի շարք հաստատություններ փակ կլինեն։ Բնակիչները պաշարներ են կուտակում, ոմանք լքում են իրենց տները։

Ավելի վաղ Միացյալ Նահանգների նախագահ Դոնալդ Թրամփը տարերային աղետի ռեժիմ է սահմանել Տեխասում՝ նահանգին պատուհասած չորրորդ կատեգորիայի ուժգնության «Հարվի» փոթորկի պատճառով։ Այդ մասին նախագահը գրել է Twitter-ի իր էջում։

Ավելի ուշ Սպիտակ տան կայքում նախագահին հասցեագրված Թրամփի ազգային անվտանգության հարցերով խորհրդական Թոմ Բոսերտի հաղորդագրությունն է հայտնվել։ Դրանում նշվում է, որ ենթադրվում է՝ «Հարվին» կդառնա վերջին տասը տարում ԱՄՆ խոշորագույն փոթորիկը։ Հիդրոօդերևութաբանների կանխատեսումների համաձայն՝ ցիկլոնը կարող է ջրհեղեղներ առաջացնել նահանգում։ 

WATCH LIVE: A special edition of @Nightline on Hurricane #Harvey is starting now on @ABC. https://t.co/KVM0Cgnde7 pic.twitter.com/0ewYGK5auo

— ABC News (@ABC) August 26, 2017

Heavy rain and strong winds visible as Hurricane #Harvey makes landfall in Port Lavaca, Texas. https://t.co/ID6yZIi7Q5 pic.twitter.com/Jr9lM4d6I5

— ABC News (@ABC) August 26, 2017