Պենտագոնի ղեկավարն ու ՆԱՏՕ-ի գլխավոր քարտուղարը չհայտարարված այցով ժամանել են Աֆղանստան. CNN

10:12 • 27.09.17

ԱՄՆ Պենտագոնի ղեկավար Ջեյմս Մեթիսն ու ՆԱՏՕ-ի գլխավոր քարտուղար Յենս Ստոլտենբերգը չհայտարարված այցով ժամանել են Աֆղանստանի մայրաքաղաք Քաբուլ, այս մասին հաղորդում է CNN-ը: 

Նշվում է, որ սա Մեթիսի առաջին այցն է Աֆղանստան այն բանից հետո, երբ նախագահ Դոնալդ Թրամփը հայտարարեց Աֆղանստանի հարցում ԱՄՆ-ի նոր ռազմավարության մասին: 

Հիշեցնենք, որ օգոստոսին Թրամփը հայտարարել էր, որ Աֆղանստանում գտնվող ամերիկյան զորակազմի թիվը կավելանա՝ հասցվելով 14.000 զինծառայողի: 

Օգոստոսի 31-ին Մեթիսը ստորագրել է Աֆղանստան լրացուցիչ զորք ուղարկելու մասին հրամանը: