«Օֆելիա» փոթորիկը հասել է Իռլանդիա՝ տասնյակ հազարավոր մարդկանց թողնելով առանց էլեկտրաէներգիայի (լուսանկարներ)

Իռլանդիային պատուհասել է «Օֆելիա» փոթորիկը, ինչի հետևանքով երկրի հարավային հատվածի տասնյակ հազարավոր բնակիչներ առանց էլեկտրաէներգիայի են մնացել:

Ինչպես նշում է The Independent-ը, փոթորիկն արմատախիլ է արել ծառերը, լողափին առաջացրել 10մ բարձրությամբ ալիքներ: Ենթադրվում է, որ քամու արագությունը կգերազանցի 120կմ/ժ-ը, ինչն արդեն հավանական վտանգ է ստեղծում կյանքի համար:

Աղբյուրը հավելում է, որ փոթորկի հետևանքով Դուբլինի օդանավակայանում չեղարկվել է 130 չվերթ, բացի այդ, փակվել են դպրոցներ, քոլեջներ ու այլ ուսումնական հաստատություններ:

Կանխատեսվում է, որ «Օֆելիա»-ն կշարժվի դեպի Անգլիայի հյուսիս ու Շոտլանդիա: