Եգիպտոսի մզկիթներից մեկում ահաբեկչության հետևանքով 55 մարդ է զոհվել

16:24 • 24.11.17

Եգիպտոսի Սինայի թերակզղու հյուսիսում գտնվող մզկիթներից մեկում պայթյուն է որոտացել, որի հետևանքով մահացել է առնվազն 55 և վնասվածքներ ստացել մոտ հարյուր մարդ: Այս մասին հայտնում է Haaretz.com-ը:

Աղբյուրի տվյալների համաձայն՝ պայթյունը որոտացել է Էլ Արիշ քաղաքի մոտակայքում: Տուժածները տեղափոխվել են հիվանդանոցներ:

Ենթադրվում է, որ ահաբեկչական պայթյունն իրականացրել են «Իսլամական պետություն» խմբավորման գրոհայինները:

Նշվում է, որ պայթյունը տեղի է ունեցել ուրբաթ օրվա աղոթքի ժամանակ:

Reuters գործակալության հաղորդմամբ՝ գրոհայինները ոչ միայն գործարկել են պայթուցիկ սարքը, այլ նաև կրակ բացել մարդկանց վրա: