«Աէրոֆլոտ»-ը վատ եղանակի պատճառով չեղարկել է դեկտեմբերի 4-ի Մոսկվա-Երևան չվերթը

11:53 • 04.12.17

Ռուսական «Աէրոֆլոտ» ավիաընկերությունը չեղարկել է դեկտեմբերի 4-ին մոսկովյան «Շերեմետևո» օդանավակայանից Երևան կատարվելիք չվերթը, ինչը պայմանավորված է եղանակային անբարենպաստ պայմաններով:

Ինչպես նշվում է svo.aero կայքում, ընդհանուր առմամբ, չեղարկվել է միջազգային 60, հետաձգվել՝ 35 չվերթ:

Նշվում է, որ Երևանից բացի՝ չեղարկվել են նաև դեպի Վարշավա, Բեռլին, Վենետիկ, Հռոմ, Հելսինկի չվերթները:

«Շերեմետևո»-ի ներկայացուցիչները հայտնել են, որ չեղարկված չվերթների ուղևորները կտեղափոխվեն հետագա չվերթներով:

Հիշեցնենք, որ ավելի վաղ ՌԴ արտակարգ իրավիճակների նախարարությունը հայտնել էր դեկտեմբերի 4-ին Մոսկվայում սպասվող եղանակային պայմանների վատացման մասին: