Սաակաշվիլին դատի է տվել Ուկրաինայի գլխավոր դատախազին

21:36 • 10.12.17

Ուկրաինայի Օդեսա մարզի նախկին նահանգապետ Միխեիլ Սաակաշվիլին դատական հայց է ներկայացրել երկրի գլխավոր դատախազ Յուրի Լուցենկոյի դեմ: Այս մասին հայտնում է Gazeta.ru-ն` վկայակոչելով քաղաքական գործչի փաստաբանին:

Փաստաբանի խոսքով՝ Սաակաշվիլին դատի է տվել Լուցենկոյին, քանի որ գլխավոր դատախազն իրավունք չուներ հրապարակել նախադատական քննության նյութերը:

Ավելի վաղ հաղորդվում էր, որ կալանքի տակ գտնվող Սաակաշվիլիի կողմնակիցները երկրի նախագահ Պյոտր Պորոշենկոյի դեմ իմպիչմենթի երթ են իրականացրել, որին հաջորդել է հանրահավաքը Կիևի Անկախության հրապարակում, որին հարյուրավոր մարդիկ են մասնակցել: