Փողի գերիշխանությունն առ ոչինչ կդառնա. գալիս է ինտելեկտուալների ժամանակը (Ի գլուխ)

13:24 • 03.01.18



Տարեվերջին մեկնարկած «Ստեղծագործական Հայաստան» նախագիծն արդեն ներկայացրել է շուրջ երեք տասնյակ վառ անհատների, որոնց մասնագիտական գիտելիքը, նորարար գաղափարները յուրօրինակ բաց նամակներ են՝ ուղղված երկրի կառավարիչներին ու հասարակությանը: Ժամանակակից կառավարման համակարգերը կարող են արդյունավետ լինել, երբ արժևորում են մասնագիտական ընտրանու հեղինակավոր խոսքը: Իհարկե, երբեմն այդ խոսքը բավականաչափ սուր, քննադատական է հնչում, բայց սա, ամենևին էլ չի նշանակում, թե նրանք միջին վիճակագրական չինովնիկից  պակաս են սիրում իրենց երկիրը:Ավելին` հենց քննադատական միտքն է նպաստելու, որ արդիականանան մեր արժեքները, ստեղծվեն մշակութային նոր կողմնորոշիչներ, որոնք կնվազեցնեն հասարակական հարաբերությունների  մարգինալացումը՝ ապահովելով քաղաքացիական վերահսկողություն քաղաքական ընտրա­նու գործունեության վրա: Այսօր մեր հարթակին են միանում ՀՀ մշակույթի վաստակավոր գործիչ, բանաստեղծ, թատերագիր և  դերասան Վահրամ Սահակյանը, Սորբոնի համալսարանի քաղաքագիտության դոկտոր Հայկ Ա.Մարտիրոսյանը (Նյու Յորք) և  ՏՏ ոլորտի հեղինակավոր գործիչ,  Passparto հայ-իսրայելական ստարտափի համահիմնադիր Դավիթ Հակոբյանը:

1.Ինչպե՞ս եք գնահատում Ձեր մասնագիտական ոլորտում տարվող պետական քաղաքականությունը (արդյունավետությունը գնահատել 10-ը բալանոց համակարգով):

Վահրամ Սահակյան - Իմ մասնագիտության ոլորտում տարվող պետական քաղաքականությունը ոչ մի ժամանակներում ինձ վրա ազդեցություն չի ունեցել, որովհետեւ հիմնականում ես աշխատում  ու շփվում եմ մասնավոր պրոդյուսերական համակարգերի հետ։ Բայց կցանկանայի, որ պետական մարմինները, կոնկրետ Մշակույթի նախարարությունը հետևեին պետական թատրոնների խաղացանկին, որպեսզի նրանք ամեն տարի հին, բոլորին ծանոթ ու ծամծմված պիեսներ բեմադրելու փոխարեն համագործակցեին երիտասարդ դրամատուրգների հետ, որպեսզի ժամանակակից պիեսները գերիշխեին խաղացանկում։ «Պեպոյով» ու «Ատամնաբույժ արևելյանով» չի կարելի տասնամյակներ շարունակ բռնաբարել հանդիսատեսին։

Հայկ Մարտիրոսյան - Իմ մասնագիտական ոլորտը քաղաքականությունն է: Իմ մասնագիտությունը՝ այդ քաղաքականության վերլուծությունը: Եվ, որպես կանոն, եթե պետության, իսկ ավելի ճիշտ՝ իշխանության քննադատությամբ ես զբաղվում՝ իրեն պետության հետ սխալմամբ նույնականցնող իշխանությունը չի կարող դրանից երջանիկ լինել: Կոնկրետ քաղաքագիտության հանդեպ իշխանությունը հստակ վերաբերմունք ունի: Կան այսպես կոչված քաղաքագետներ, որոնք իշխանության այս կամ այն օղակի, դրսի այս կամ այն ուժի կամ ներսի այս կամ այն անհատի շահերն են սպասարկում: Նման «մասնագետների» հանդեպ վերաբերմունքը մեծապես դրական է: Մյուսների՝ նոնկոնֆորմիստների հանդեպ կամ վերաբերմունք չկա, կամ էլ վարվում է ոչ բարեկամական քաղաքականություն: Հայաստանի պես քաղաքական մշակույթ չունեցող և նպատակայնորեն այլասերվող հասարակություն ունեցող երկրների պարագայում դա նորմալ իրականություն է: Գնահատականն այս ամենից հետո դառնում է անիմաստ: Զրո, եթե կարելի է ասել:

Դավիթ Հակոբյան - Մեր երկիրը աշխարհում կայուն և զարգացող տեղ է զբաղեցնում ՏՏ ոլորտում` թե՛ իր գրագետ և տաղանդավոր մասնագետների, թե՛ մեր հանրապետության ստեղծած ծրագրերի և արտոնությունների շնորհիվ։ Մենք ողջունում ենք մեր կառավարությանը ՏՏ ոլորտի նորաստեղծ կազմակերպություններին և դրանց ստեղծմանը խրախուսելու համար։ Չեմ ասի, որ 100 տոկոսով նրանք լուծել են առկա խնդիրները, բայց համենայնդեպս, քայլեր են ձեռնարկում։ Արդյունավետությունը կգնահատեմ 4, քանի որ դեռ շատ բաց տեղեր կան, որոնց պետք է ուշադրություն դարձնել։

 

2. Նշեք Ձեր մասնագիտական դաշտի ամենակենսական  խնդիրները, որոնք խոչընդոտում են ստեղծարարությանը, և դրանց հրատապ լուծումը կարող է բեկումնային դառնալ  ոլորտի առաջխաղացման համար:

Վահրամ Սահակյան - Ամենակենսական խնդիրներից մեկն այն է, որ մայրաքաղաքում գոյություն ունեն պետության կողմից ֆինանսավորվող թատրոններ և թատերական միություններ, որոնք տասնամյակներ շարունակ փող են ստանում պետությունից, ունեն սեփական ֆոնդեր ու ոչինչ չեն անում ժամանակակից արվեստ ստեղծելու համար։ Այսինքն` թատրոնի ղեկավարը ամբողջ կյանքում նստած է թոշակի վրա, բեմադրում է այն, ինչ բեմադրել է 80-ականներին, ոչինչ չի անում իր ծուլության և անտաղանդության պատճառով, կրծոտում է բյուջեն, իսկ հետո իր աթոռը ժառանգաբար հանձնում է որդուն։ Եթե պետական մարմինները սրա վրա ուշադրություն չդարձնեն՝ մեր երկրի մշակութային կյանքը կընթանա խորհրդային ժամանակների ոգով ու այդպես կշարունակվի։

Հայկ Մարտիրոսյան - Բոլոր մասնագիտությունների առաջխաղացմանն էլ խանգարում է ֆինանսավորման բացակայությունը: Քաղաքագիտությունը, համենայնդեպս այն մակարդակով, որով հաճախ դասավանդվում է Երևանի երբեմնի հեղինակավոր բուհերից շատերում՝ կամ պնակալեզություն է հիշեցնում, կամ էլ՝ մարքսիզմ-լենինիզմի բույր ունի: Քաղաքագետների մեծամասնությունն այդպես էլ ոչ ռուսալեզու գրականություն չի կարդում, տեղյակ չէ համաշխարհային քաղաքական անցուդարձերի խորքային անցքերին: Եվ դա այդպես է, որովհետև չկա որակյալ կրթություն, լեզուների չեն տիրապետում, կամ ըստ իրենց՝ ամեն ինչի կատարելության չափանիշը Հայաստանի այս կամ այն դաշնակից պետության գրականությունն ու հեռուստաեթերն է: Անգլերեն կամ ֆրանսերեն խոսելու պարագայում էլ՝ օգտվում են անհասկանալի և սահմանափակ աղբյուրներից: Բայց անգամ այդ դեպքերն են եզակի: Այդպես ճահիճը ճահիճ է ծնում:

Բացառություններ, իհարկե կան, բայց հիմնական պատկերը դա է: Եթե լինի պետական ծրագիր՝ որակյալ կրթություն տալու երիտասարդությանը, դրսից՝ ամենատարբեր երկրներից հեղինակավոր մասնագետներ հրավիրելու և հեռուստաեթերն աղբով լցնելու փոխարեն՝ լուրջ վերլուծական հաղորդումներով հագեցնելու՝ դա լուծում կարող է լինել: Բայց հայտնի է, որ կրթված, խելացի քաղաքացին վտանգ է անընդհատ և ամեն գնով վերարտադրվել ցանկացող յուրաքանչյուր իշխանության համար: Մինչդեռ, օրինակ, ԱՄՆ-ում ինտելեկտուալ հետամնացության մոլի ջատագովները հանրապետականներն են, Հայաստանում դրա ամենավուլգար կերպարանքով արտահայտման քաջալերողները ամենատարբեր ուժեր են և հենց հասարակության մի հատվածը: Եվ ողբերգականն այն է, որ հասարակությունը մետամորֆոզի է ենթարկվում. նախկինում բարձր կրթվածություն և ինտելեկտուալ բնական որակ ու ոսկե ինտելիգենցիա (խոսքը մտավորականության մասին չէ) ունեցող երկիրը վերածվում է հայկական նողկալի սերիալ դիտողների, բաց, քստմնելի պատուհաններից ներս ծիկրակողների, պլաստիկ վիրահատություններով և սիլիկոնով լցված, մակերեսային մի հսկայական զանգված ունեցող տարածքի, որտեղ այդ զանգվածի ամենամեծ հոգսը կա՛մ օրվա հացն է, կամ՝ օրվա ռեստորանային ճաշացուցակը: Առանց որակի որևէ հասարակություն չի կարող ազգ մնալ, չի կարող չինքնաոչնչացվել: Երբ պետությունը լքում է որակի սանձերը՝ անորակությունն ու ինքնակործանումը իրենք են սկսում կառավարել ամեն բան:

Դավիթ Հակոբյան - ՏՏ դաշտի ամենաէական խնդիրը կրթությունն է։ Այն բուհերը, որոնք տալիս են տեխնիկական կրթություն, չեն համապատասխանում ներկայիս պահանջներին։ Բուհերում շրջանառվող գրականությունը և ուսուցանվող ծրագրավորման լեզուները բավարար չեն շրջանավարտներին անցնելու աշխատանքի։ Այդ պատճառով նրանք ծախսում են գումար մասնավոր ընկերություններում գիտելիք ստանալու համար։

3.Համաձա՞յն եք  այն մտքի հետ,  որ մասնագիտական ցանկացած համայնք  պատասխանատու է իր  դաշտում կատարվածի համար: Ձեր կարծիքով, մեզանում ինչո՞ւ  չեն ձևավորվում մասնագիտական պատասխանատու և գործուն ընտրախավեր (էլիտաներ), և ինչո՞ւ են մասնագիտական խնդիրները հիմնականում փոշիանում և այլասերվում սիրողական քննարկումներում:

 

Վահրամ Սահակյան - Ես դիտավորյալ չեմ ուզում մարդկանց վիրավորել, բայց որքան մարդ ճանաչում եմ այդ ոլորտներում՝ բացառիկ անտաղանդներ են, ընդ որում՝ բնածին։ Նրանք վաղուց արվեստը վերածել են սնունդի։ Այսինքն՝ թատրոնի, կինոյի, գրականության դաշտը դարձրել են կերակրման միջոց ու վերջ։ Նորից եմ կրկնում՝ աչքի գցեք խաղացանկերը կամ, ասենք` վերջին տարիներին ստեղծված արձանները, հուշարձանները։ Փողը կպցրեցին, մի անճոռնի բան սարքեցին ու դրանով ամեն ինչ փակվեց։ Ֆիլմի համար 15 տերերից  փողեր են պոկում, 70 տոկոսը ուտում, հետո պրեմիերա են անում, հավաքվում են մի 70 մարդ, իրար շնորհավորում են, իրար համբուրում, լիզում ու փակում հարցը։ Քննարկումներն էլ անցկացվում են գավառական մթնոլորտում, որտեղ հնչում են ստեղծագործող մարդուն չվայելող բողոքներ։ 

Հայկ Մարտիրոսյան - Ոչ,  համաձայն չեմ: Եթե այդպես լիներ, ապա պետություն և իշխանություն ունենալու անհրաժեշտություն չէր լինի: Ամեն ինչի պատասխանատուն նախևառաջ իշխանությունն է, մանավանդ, եթե այդ իշխանությունն իր ձեռքերում է կենտրոնացնում կառավարման բոլոր լծակները: Եթե դրանից հետո էլ մասնագիտական այս կամ այն համայնքն է մեղավոր սիստեմիկ խափանումների համար, ապա պետությունն ու՞մ է պետք: Եթե չկա ուղղորդող, ճշգրտող, որակի ապահովման երաշխավոր իշխանություն, ապա իշխանությունն ուրիշ ի՞նչ ֆունկցիա կարող է ունենալ: Միայն վայելել հենց նույն այդ իշխանությու՞նը: Եթե դերասաններն անտաղանդ են, երգիչները՝ ռաբիս, ֆուտբոլիստները՝ գնդակի հետ վարվել չգիտեն, իսկ դասախոսների մի ստվար զանգված տգետ է և գավառացի՝ դրա պատասխանատուն այդ անձինք չեն, այլ նրանք, ովքեր նրանց որակական առաջխաղացման համար բավարար պայմաններ չեն ստեղծել, որովհետև ոչ թե մեկ, երկուսն են վատը,  այլ՝ մի ամբողջ խմբի գերակշիռ մասը: Ավելացրեք դրան այն հանգամանքը, որ այդ զանգվածը ոչ միայն վատն է, այլև՝ մեծապես առաջ է մղվում, և պետության մեղքն ավելի ակնհայտ կդառնա: Իսկ խնդիրներն այլասերվում և փոշիացվում են, որովհետև անաչառ քաղաքագետներին հակադրվում են հաճախ վճարվող կամ անվճար քաղագիտատորները կամ այս կամ այն կեղծ քաղտեխնոլոգները (ի դեպ՝ Արևմուտքում «քաղտեխնոլոգը» մեծապես բացասական բառ է: Զարմանալի է, որ Հայաստանում ոմանք իրենք իրենց հպարտությամբ հենց այդ բառով են կոչում/) և կամ էլ՝ կաշառված այս կամ այն երրորդական լրատվամիջոցը, որը գաղափար հնչեցնողի մասին պատվերով հնարովի, մտացածին հերյուրանքներ է հրապարակ նետում: Նման մակարդակներում դիսկուրսը դառնում է ավելորդ՝ գրավելով միայն ցածր կրթական ցենզ ունեցող քաղաքացիների ուշադրությունը:

Դավիթ Հակոբյան - Այս խնդիրը, իմ կարծիքով, գալիս է նրանից , որ մենք սովոր չենք համագործակցել կամ փորձ փոխանակել։ Միգուցե, դա մեր մեծագույն սխալներից մեկն է։ Այս բացը կարող է լրացվել միայն այն դեպքում, երբ մեծ ընկերությունները, ոլորտի պատասխանատուները կազմակերպեն ֆորումներ, կոնֆերանսներ և փոքր ընկերություններին նույնպես ներգրավվեն այդ քննարկումներին։ Ես ողջունում եմ «Հեքըթոնի» գաղափարը, կարելի է գոնե 3 ամիսը մեկ նման միջոցառում կազմակերպել, հավատացեք, մենք դրանով լիքը խնդիրներ կլուծենք, ինչու չէ, նաև կճանաչենք մեր տաղանդավոր կադրերին։

 

4.Ո՞րն է մասնագիտական ամենաարժեքավոր դառը դասը, որ քաղել եք մեծ տառապանքի գնով, և ի՞նչ ելքային լուծումներ կառաջարկեք  Ձեր ոլորտի մրցունակությունը բարձրացնելու և նորարար գաղափարները խթանելու ուղղությամբ:

 

Վահրամ Սահակյան - Ամենադառը դասը եղել է այն, որ ցանկացել եմ համագործակցել որևէ պետական թատրոնի բեմադրիչի հետ։ Անուններ չեմ տա, որովհետև, ինչպես ասում են՝ չի հասնում իրենց։ Ավելի հին, ավելի փտած մտածողության մարդ հնարավոր չէ պատկերացնել, քան պետթատրոնի բեմադրիչը։ Նա ոչ մի պարտականություն չի կատարում։ Նա սովոր չէ աշխատել հեղինակի հետ, նա չի կարող առաջարկություններ անել հեղինակին, նրան պիտի պատրաստի պիեսը հանձնես, որ բեմադրի, նա դրան է սովորել սովետի ժամանակ։ Մեր ոլորտում, օրինակ, «Մեա Կուլպա- 2»-ը գրելիս՝ պրոդյուսերից սկսած մինչև զգեստների նկարիչը՝ ինձ հետ հավասար աշխատում են պիեսը ստեղծելու համար։ Իսկ այս ձրիակերները ոչինչ չեն ուզում անել։ Ես էլ կյանքում չեմ աշխատի դրանցից որևէ մեկի հետ։

Հայկ Մարտիրոսյան - Տառապանքը մարդուն ուղեկցում է կյանքի ողջ ընթացքում՝ այս կամ այն ձևով կամ ուրվագծով(եթե, իհարկե Աբրամովիչը չես) Իմ կյանքում, ինչպես և վստահ եմ շատ-շատերի, բազում խնդիրներ են եղել, որոնք հաղթահարելը հսկայական ջանքեր և ռեսուրսներ են պահանջել: Դրանք հաղթահարվել են: Խնդիրներ այսօր էլ կան և վաղն էլ լինելու են: Դառը դասը՝ այն է, որ քաղաքագիտությունն անշնորհակալ մասնագիտություն է: Խոսքը, հատկապես Հայաստանի մասին է: Հայաստանում դա անհետևանք խոսքի մասնագիտություն է, որ կարող է և հասարակական կարծիք ստեղծել, փոխել կամ հաստատել, բայց գրեթե երբեք՝ գետնի վրա իրավիճակի վրա չազդել: Իսկ քաղված պրակտիկ, բայց ոչ դառը դասն այն է, որ վերոնշյալ՝ կերպարանքի կեղտոտման և կեղծ հերյուրանքների տարածմանը սկսել եմ վերևից նայել և մեծապես անտարբեր վերաբերվել: Հիմա դա ինձ մոտ զավեշտի ընկալում է առաջացնում, որին նայում եմ բարձունքից:

Դավիթ Հակոբյան - Անկեղծ ասած, ոչ մի բան ինձ կյանքում հեշտ չի տրվել, և ինչ ունեմ այսօր անքուն գիշերների և երկարատև աշխատանքի արդյունք է։ Առհասարակ մարդ, եթե ցանկություն ունի իր տեղը գտնել կյանքում, կապ չունի ինչ ոլորտ կլինի, պետք է չքնի և անընդհատ թարմացնի իր գիտելիքները։ Իմ ամենադժվար էտապը եղել է փորձնական գիտելիքներ ձեռք բերելու շրջանը։ Շատ քիչ ընկերություններ էին համաձայնվում ինձ` որպես սկսնակ ծրագրավորող ընդունել աշխատանքի։ Իհարկե, հիմա այդ խնդիրը չկա, քանի որ հասկացան՝ այդ կերպ զարգանալ և ընդլայնվել չի լինի։ Մեզ պետք են կադրեր, քանի որ նշեցի ԲՈՒՀ-երը պատրաստի կադրեր չեն տալիս, մենք պետք է պատրաստենք ինքներս։

5. Արդյո՞ք պատրաստ եք մասնագիտական դաշտում Ձեզ թույլ տալ այնպիսի արարք, որը Ձեզ կզրկի ֆինանսական կայունությունից ու բարեկեցությունից,  բայց մեծագույն օգուտ կտա Հայաստանին:

 

Վահրամ Սահակյան - Ես նման արարքներով եմ հասել այն ամենին, ինչը  հիմա ստեղծվել և ստեղծվում է։ 90-ականների սկզբից, երբ նկարահանում էինք «Ոզնիների» ֆիլմերը, բոլոր մյուս ստեղծագործողները զբաղված էին կոշիկ կարելով կամ ծառ կտրելով։ Այդ ֆիլմերը նկարահանում էինք մեր իսկ միջոցներով և ուղղակի  ցուցադրում հեռուստատեսությամբ։ Դրանից ավելի՝ էլ ի՞նչ կարող էի անել։ Այս տարի նույնպես բեմադրեցի մենաներկայացում և խաղացի «Գոյ» թատրոնում։ Դա շատ կարևոր էր երիտասարդության համար ու չեմ կարող ասել, որ մեկ դրամ վաստակել եմ դրա համար, փոխարենը՝ երեք ամիս գրելով ու մեկ ամիս բեմադրելով։

Հայկ Մարտիրոսյան - Ինձ համար իմ սեփական աչքերում իմ սեփական արժանապատվությունը պահպանելը կարևորագույն սկզբունք է: Ինձ քիչ է հետաքրքրում, թե ուրիշներն ինչպես են մեկնաբանում ինձ հետ կապված այս կամ այն հարցը կամ խնդիրը, որովհետև եթե նման բաներով զբաղվեմ, այլևս ոչնչի ժամանակ չի մնա: Փոխարենը, ես բարձր եմ գնահատում մասնագիտական սկզբունքայնությունը: Վերջիվերջո,  մասնագիտության կրողը մասնագետ է մնում միայն այն դեպքում, երբ չի դավաճանում իր սեփական մասնագիտությանը,  ու այն չի ծառայեցնում իր սեփական մանր շահերին: Հայաստանին մեծագույն օգուտ տալու համար կարելի է շատ բաներից զրկվել: Եվ շատերը զրկվում են: Ցավալին այն է, որ զրկվելով՝ հաճախ օգուտ չեն տալիս: Համակարգն ու հայաստանյան իրականությունն է այդպիսին:

Դավիթ Հակոբյան - Հավատացնում եմ` սկսնակ ծրագրավորողին  ընդունել աշխատանքի, արդեն մեծ քայլ է ու հենց  մեր պետության համար, քանի որ սկսնակները  չեն բերում եկամուտ, ընդհակառակը՝ մենք ենք ռեսուրս ծախսում, որպեսզի գիտելիք տանք։ Բայց կարող է մեր ընկերությունն որոշ ժամանակ հետո լուծարվի, սակայն մեր պատրաստած կադրը միշտ ներկայացնելու է մեր երկրի դեմքը՝ որպես ծրագրավորող։

6. 2017թ.-ին մասնագիտական դաշտում ստեղծե՞լ եք որևէ արժեք, արե՞լ եք որևէ քայլ, որը Ձեզ հպարտություն է ներշնչել: Ձեզ դո՞ւր է գալիս այն մարդը, ինչպիսին Դուք էիք  2017թ.-ին:

Վահրամ Սահակյան
- Երկու բան. առաջինը «Մեա Կուլպա -2»-ը, որի պրեմիերան եղավ 2017-ի փետրվարին ու  խաղացվում է մինչև հիմա (ու երևի կխաղացվի ևս մի 15 տարի) և «Մեկ Վահրամի թատրոն» անվանմամբ մենաներկայացումը, որը հոկտեմբերին խաղացի «Գոյ»  թատրոնում ու մյուս տարի կխաղամ տիկնիկային թատրոնում։ Նոր գիրք չունեմ ու թերևս չունենամ, որովհետեւ կարող եմ իմ գրածն ինքս խաղալ բեմին, ու դա համարում եմ ավելի արդյունավետ։ Թող գիրք գրեն նրանք, ովքեր կարողանում են միայն գրել։

Հայկ Մարտիրոսյան - Զբաղվում եմ իմ մասնագիտությամբ: Դա արդեն ներքին հպարտություն է ներշնչում, ավելի շուտ՝ ներքին բավարարվածության զգացում ապահովում: Հպարտություն է ներշնչում նաև այն, որ չեմ հոգնում անընդհատ ինձ վրա աշխատել, գիտակցում եմ, որ միշտ բազում բաներ կան, որոնց մասին բավարար գիտելիքներ չկան: Ինչ վերաբերում է 2017թ.-ի ինքս ինձ դուր գալուն,  ապա՝ ոչ: Ինձ երբեք դուր չի գալիս այն «ես»-ը, որ նախորդ տարի կամ անգամ նախորդ ամիս է եղել: Հետ նայելով՝ հաճախ սեփական անձը և գործողությունները, արածները կամ չարածները այս կամ այն չափով խմբագրելու մեծ ցանկություն է առաջանում: Պետք է ներքին աճ զգաս, իսկ ներքին աճը երբեք չի կարող քեզ բավարվածության զգացում ներշնչել, երբ ետ նայես:

Դավիթ Հակոբյան - Մենք այս տարի առաջին քայլերն ենք արել օնլայն հարթակում՝  ստեղծելով աշխատատեղեր դիզայներների համար։ Ես հպարտանում եմ այդ նախագծով, քանի որ մենք ներկայացնում ենք մեր երկիրը ամբողջ աշխարհով։

7.Եթե Ձեզ հնարավորություն տրվեր ուղերձ հղել աշխարհի հայերին՝ ի՞նչ կասեիք Ձեզ տրված մեկ րոպեի ընթացքում:

Վահրամ Սահակյան - Ես կհիշեցնեի, որ եկել է  2018 թվականը և այդ կապակցությամբ՝ ամոթ է ապրել 1997 թվականի չափանիշներով, գավառական մտածողությամբ ու անխելքության բոլոր դրսևորումներով։ Ժամանակակից մարդը պիտի մի քիչ փորձի մոռանալ իր անցյալը, մի կողմ նետել ապրած տարիներին կուտակված բեռը, որպեսզի կարողանա ապրել ժամանակի հետ և իր ժամանակի մեջ:

Հայկ Մարտիրոսյան - Ուղերձ չէի հղի, որովհետև աշխարհի հայերը միասնական չեն , և նրանցից շատերը վաղուց հայ չեն և որովհետև ոչ մի ուղերձ էլ ոչ մի խնդիր չի լուծում: Եվ նաև՝ որովհետև ես այնպիսի մեկը չեմ, որի ուղերձը՝  ուղղված մի ամբողջ ժողովրդի, սպասված կամ մեծ պահանջարկ վայելող մի բան է: Բայց եթե պետք է մի բան ասեմ՝ ապա մեկ րոպեն շատ կլիներ: Կասեի. «Սիրեք ձեր երկիրը ոչ թե ճոռոմ խոսքերով, ցեղասպանության մասին բղավելով և Արարատի մասին խոսելով, այլ՝ հստակ, կոնկրետ պահվածքով: Զգացեք ձեզ պատասխանատու ձեր հայրենիքի ճակատագրի հարցում: Այդ հայրենիքն աննախադեպ մարտահրավերների առջև է կանգնած, և նրա գոյությունն իրոք վտանգված է»:

Դավիթ Հակոբյան - Նախ՝ ողջունում եմ ամբողջ աշխարհում գտնվող հայությանը։

Մենք խելացի ազգ ենք և տվել ենք հանճարներ ամբողջ աշխարհին։ Կցանկանայի միշտ լինենք միասնական և չմոռանանք, թե ովքեր են եղել մեր նախնիները։ Ամենամեծ ցանկությունս է, որ բոլորս միավորվենք մեր հայրենիքում, աշխատենք և ստեղծագործենք մեր երկրում։ Հավատացեք, մեր երկիրը շատ-շատ առավելություններ ունի։ Շատերի կարծիքով, աշխատատեղեր չկան կամ աշխատավարձերը ցածր են։ Իհարկե, ես համաձայն եմ որոշ չափով, բայց կուզեմ նշել ՏՏ ոլորտը հաստատ բացառություն է, որը մասնագետների պահանջարկ ունի, և աշխատավարձերն էլ ցածր չեն։ Ուղղակի, պետք է մի փոքր լավատեսորեն նայել ամեն ինչին և միշտ՝ ժպիտով։ Մեր ազգին ցանկանում եմ միասնականություն, ու թող 2018 թվականը տնտեսական աճի և ձեռքբերումների տարի լինի։

«Ստեղծագործական Հայաստան» մեդիանախագիծ

ՎԱՐԴուհի Սիմոնյան

Սյուզան Թոսունյան

 





Загрузка...

ԼՐԱՀՈՍՕրվա բոլոր նորությունները

03:58 • 10/12

ՃՏՊ Արին Բերդի խճուղու և Արցախի պողոտայի խաչմերուկի մոտակայքում. կա տուժած

03:36 • 10/12

Ուկրաինայի գլխավոր դատախազը կոչ է արել ռազմական դրության ընթացքում պատժամիջոցներ սահմանել ՌԴ-ի նկատմամբ

03:11 • 10/12

Առերևույթ ընտրախախտումների վերաբերյալ ՀՀ քննչական կոմիտեն 24:00-ի դրությամբ ստացել է 51 հաղորդում

02:47 • 10/12

Ցանկացած մարդ կարող է կազմակերպել հանրահավաք. Ն. Փաշինյանն անդրադարձել է Ռ. Քոչարյանի կողմնակիցների` հանրահավաքներ իրականացնելու մտադրությանը

02:31 • 10/12

Չինաստանը չեղարկել է Կանադայի պատվիրակության հետ առևտրային բանակցությունները. լրատվամիջոցներ

02:08 • 10/12

ՀՀԿ-ն այս ընտրություններում կստանա այնքան ձայն, որքան վերջին 18 տարում կստանար, եթե լինեին արդար ընտրություններ. Նիկոլ Փաշինյան (տեսանյութ)

02:03 • 10/12

ՀՀ ԱԺ արտահերթ ընտրությունների քվեարկության օրն արձանագրվել է ենթադրյալ ընտրական հացնագործության 252 դեպք. 108-ով նախապատրաստվում են նյութեր. Դատախազություն

01:45 • 10/12

ՀՀ քաղաքացիները ԱԺ-ում ձևավորում են հեղափոխական մեծամասնություն. Նիկոլ Փաշինյան (տեսանյութ)

01:38 • 10/12

Ներկայանալով օրենքի երկիր ունենալու ջատագով՝ հակասում ես ինքդ քեզ՝ չդատապարտելով դատարանների վրա ճնշումները. Քոչարյանի որդին՝ Ս. Թանկյանին

01:36 • 10/12

Նիկոլ Փաշինյանը ժամանեց «Իմ քայլը» դաշինքի նախընտրական շտաբ

01:24 • 10/12

Սաուդյան Արաբիայի իշխանությունները մտադիր չեն Թուրքիային հանձնել Խաշոգջիի սպանության համար մեղադրվող անձանց

00:46 • 10/12

Սիրիայում գնդակոծության հետևանքով զինծառայող է զոհվել

00:30 • 10/12

«Անկախ դիտորդի» ներկայացուցիչները տարբեր բնույթի խախտումների մասին 150 գրառում են կատարել. Դ. Իոաննիսյան

00:06 • 10/12

«Իմ քայլը» դաշինիքի անդամներն իրենց շտաբում հետևում են քվեների հաշվարկին (լուսանկարներ)

00:06 • 10/12

Սիրիայի ՀՕՊ համակարգը հետ է մղել Դամասկոսի միջազգային օդակայանի ուղղությամբ հասցված ավիահարվածը. ԶԼՄ-ներ

00:01 • 10/12

Հնկաստանում նկարահանել են՝ ինչպես է հավն ամբողջությամբ կուլ տալիս կենդանի օձին (տեսանյութ)

23:58 • 09/12

ԱԺ ընտրություններին ՔԿՀ-ներում մասնակցել է 756 կալանավորված անձ և դատապարտյալ՝ ընտրության իրավունք ունեցողների 79.7 տոկոսը

23:38 • 09/12

Բոլորին անհրաժեշտ է, որ «Բորուսիան» սխալվի. «Բավարիայի» գլխավոր մարզիչ

23:34 • 09/12

Տոներին ընդառաջ կանեփի յուղով պատրաստված կանաչ գինի են ստեղծել

23:17 • 09/12

60 մլրդ դոլարի շրջանառություն. ոստիկանները բացահայտումներ են արել Եվրոպայի ամենահզոր մաֆիայի ցանցում

23:07 • 09/12

«Իմ քայլ»-ը դաշինքն ստացել է 70.29 %, ԲՀԿ-ն՝ 8.42 % «Լուսավոր Հայաստանը»՝ 6.38%. ԿԸՀ տվյալները ժամը 03:45-ի դրությամբ՝ 1397 տեղամասերից (ուղիղ)

22:56 • 09/12

Առերևույթ ընտրախախտումների վերաբերյալ ՀՀ քննչական կոմիտեն 22:30-ի դրությամբ ստացել է 49 հաղորդում

22:49 • 09/12

29/16 ընտրատեղամասում միանձնյա առաջատար է «Իմ քայլը» դաշինքը, հաջորդը ԲՀԿ-ն է, 3-րդ տեղում է ՀՀԿ-ն

22:37 • 09/12

«Իմ քայլը»` 393 ձայն, «Լուսավոր Հայաստան»՝ 25, ԲՀԿ-13. ամփոփվեցին էլեկտրոնային քվեարկության արդյունքները

22:35 • 09/12

Ռոբերտ Քոչարյանը չի մասնակցել ԱԺ ընտրությունների քվեարկությանը

22:25 • 09/12

Սանտա Կլաուսները սկուբա դայվինգի են մասնակցել (տեսանյութ)

22:10 • 09/12

Ոստիկանությունում գրանցվել է ընտրական գործընթացի հետ կապված ընդհանուր 144 հաղորդում

22:09 • 09/12

«Մանչեսթեր Յունայթեդը» պատրաստվում է ձեռք բերել «Պորտուի» պաշտպանին

22:04 • 09/12

Ընտրություններում խնդիրները պայմանավորված են եղել ռեյտինգային ընտրակարգով առաջադրված թեկնածուների գործողություններով. Լենա Նազարյան (տեսանյութ)

21:58 • 09/12

Ամերիկացին տեսանյութ է հրապարակել՝ ցույց տալով, թե ինչպես է պատժել դստերը՝ դասընկերներին ծաղրելու համար

21:44 • 09/12

Առերևույթ ընտրախախտումների վերաբերյալ ՀՀ քննչական կոմիտեն 20:00-ի դրությամբ ստացել է 38 հաղորդում

21:43 • 09/12

Ամերիկացի դեսպանը կանչվել է Չինաստանի ԱԳՆ

21:39 • 09/12

Մարդու իրավունքների պաշտպանը 20:30-ի դրությամբ ստացել է ընտրական գործընթացին վերաբերող 89 ահազանգ

21:37 • 09/12

Ազատ, ժողովրդավարական հասարակարգերում շատ բարձր տոկոս չի գրանցվում. Արարատ Միրզոյանը՝ ընտրություններին ցածր մասնակցության պատճառների մասին

21:29 • 09/12

Ընտրություններին ցածր մասնակցությունն ապացուցում է, որ դրանք ոչ թե «համաժողովրդական պահանջ» էին, այլ Ն. Փաշինյանի անձնական քաղաքական հաշվարկների և շահերի արդյունք. Արմեն Աշոտյան

21:20 • 09/12

Քվեարկությանը մասնակցել է 1 մլն 260 հազար 840 քաղաքացի կամ ընտրողների 48.63 տոկոսը, որը շուրջ 314 000-ով պակաս է 2017թ. ընտրությունների ցուցանիշից

21:08 • 09/12

Լա Լիգա. «Ռեալը» նվազագույն հաշվով հաղթեց «Ուեսկային» (տեսանյութ)

20:54 • 09/12

Սաուդյան թագաժառանգի ուսուցիչը պատմել է նրա մանկության և դասավանդման իր արտասովոր փորձի մասին

20:50 • 09/12

Սպիտակ քաղաքում հսկողությունն ուժեղացվել է, բոլոր ընտրատեղամասերի մոտ ոստիկաններ են հերթապահում. ոստիկանություն

20:47 • 09/12

Նախընտրական շրջանում ամենաշատ գումարը ծախսել է «Իմ քայլը» դաշինքը, ամենաքիչը՝ «Ազգային առաջընթաց» կուսակցությունը

20:26 • 09/12

Ամենայն լրջությամբ ենք մոտենում «Տոտենհեմի» դեմ խաղին. Էռնեստո Վալվերդե

20:22 • 09/12

Օվկիանոսում կորածները. նավերի անհետացման ամենաառեղծվածային դեպքերը

20:10 • 09/12

Քվեարկությունն ավարտվեց, ընտրատեղամասերը փակվել են, սկսվել է քվեաթերթիկների հաշվարկը

20:05 • 09/12

Ավանում «Միլենա» տաքսի ծառայության միջոցով ընտրակաշառք բաժանելու մասին հրապարակումն ուղարկվել է ոստիկանություն. դատախազություն

19:50 • 09/12

«Միսս Տիեզերք-2018» մրցույթի կորած մասնակցուհին գտնվել է

19:48 • 09/12

39 բուժհաստատություններից 844 մասնակցի տվյալներ են ստացվել. ստացիոնար բուժում ստացողներն ընտրելու հնարավորություն են ունեցել

19:43 • 09/12

Մարդիկ չեն գիտակցում, թե որքան կարևոր է Բենզեման «Ռեալի» համար. Լուկա Մոդրիչ

19:29 • 09/12

Նարեկ Սարգսյանը նախնական կալանքի տակ կմնա, մինչև որոշում կայացվի նրան Հայաստանին արտահանձնելու հարցով

19:22 • 09/12

Դեկտեմբերի 11-ին մեկնարկում է հանրահավաքային պայքար՝ Ռոբերտ Քոչարյանին ազատ արձակելու պահանջով

19:04 • 09/12

Կտրված լեզու և կոտրված ատամ․ Աուգսբուրգի դարպասապահը խաղացել է ցավալի վնասվածքով

19:04 • 09/12

Առերևույթ ընտրախախտումների վերաբերյալ ՀՀ քննչական կոմիտեն 18:00-ի դրությամբ ստացել է 12 հաղորդում

18:59 • 09/12

Մեկնարկից վայրկյաններ առաջ չեղարկվել է ամերիկյան հետախուզական արբանյակի արձակումն ուղեծիր

18:52 • 09/12

Բոլիվիայում 17 մարդ է մահացել միկրոավտոբուսների բախման հետևանքով

18:46 • 09/12

Ժամը 18:00-ի դրությամբ ՄԻՊ-ը ստացել է ընտրական գործընթացին վերաբերող 59 ահազանգ

18:38 • 09/12

8/25 ընտրատեղամասի ընտրացուցակում մահացած անձի առկայության վերաբերյալ տեղեկությունն իրականությանը չի համապատասխանում. Ոստիկանություն

18:26 • 09/12

Ոստիկանությունն իրավասու չէ սեփական նախաձեռնությամբ հաշվառումից հանել բնակտարածության նախկին բնակիչներին. ոստիկանության պարզաբանումը՝ Դ. Շահնազարյանի հայտարարության վերաբերյալ

18:23 • 09/12

Հերթում կանգնելը շարային կարգ է համարվում և այլընտրանք չունի. Ա. Հովհաննիսյանը՝ քվեարկությանը զինծառայողների շարային կարգով մասնակցելու մասին

18:22 • 09/12

Ժամը 17։00-ի դրությամբ քվեարկությանը մասնակցել է 1.025.002 քաղաքացի կամ ընտրողների 39,54%-ը, որը շուրջ 300 000-ով պակաս է 2017թ. ընտրությունների նույն ժամի ցուցանիշից

18:18 • 09/12

Իբրահիմովիչ․ Մեսսին մրցակցել է ոչ թե Ռոնալդուի, այլ «Ռեալի» նախագահ Ֆլորենտինո Պերեսի հետ

18:04 • 09/12

Բրազիլիայում հիվանդների դեմքերն այլանդակած պլաստիկ վիրաբույժը կկանգնի դատարանի առաջ (լուսանկարներ)

18:00 • 09/12

Մոուրինյու. Պոգբան կարող է ֆանտաստիկ խաղացող դառնալ

17:58 • 09/12

«Մեր ժողովրդին հանգիստ թողեք». Ֆրանսիան Թրամփին կոչ է արել չմիջամտել երկրի ներքին գործերին

17:50 • 09/12

Սերենա Ուիլյամսը՝ կարիերան ավարտելու մասին․ Տարիքս միայն թիվ է

17:48 • 09/12

Ստեփանծմինդա-Լարս ավտոճանապարհը բաց է տրանսպորտային բոլոր միջոցների համար

17:47 • 09/12

Թուրքիայի հարավ-արևելքում ձյան առատ տեղումների պատճառով արգելափակվել են բազմաթիվ բնակավայրերի ճանապարհներ

17:46 • 09/12

Ես պարբերաբար հանդիպում եմ գյուղապետերի հետ, բայց դա վարչական ռեսուրսի կիրառում չէ, որևէ պարտադրանք կամ ստիպում չկա. Շիրակի մարզպետ

17:44 • 09/12

Ծանրաքարշ և կցորդիչով տրասնպորտային միջոցների համար Վարդենյաց լեռնանցքը դժվարանցանելի է

17:42 • 09/12

Դավիթ Շահնազարյանը նախկինում շիզոֆրենիա է ունեցել. եթե մենք չգայինք, Ղարաբաղը հանձնած կլինեին. Սասուն Միքայելյան (տեսանյութ)

17:40 • 09/12

Վիետնամում սպասելուց հոգնած հետիոտնը գերբեռնված փողոցն անցնելու համար հոսանքալարերի վրա է բարձրացել (տեսանյութ)

17:39 • 09/12

«Ուրալը» պարտվել է Մոսկվայի «Դինամոյին». Հարոյանը խաղաժամանակ չի ստացել

17:24 • 09/12

Մադրիդում հազարավոր Սանտա Կլաուսներ քաղցկեղի դեմ պայքարին աջակցելու նպատակով վազք են կազմակերպել

17:18 • 09/12

Ժամը 15:00-ի դրությամբ Ոստիկանությունում ստացվել է 26 հաղորդում

17:16 • 09/12

Լոռու ՔՊ-ական մարզպետի կողմից վարչական լծակի կիրառում չեմ նկատել. Մամիկոն Ասլանյան

17:14 • 09/12

«Հայ տղամարդկանցից ստացվում են ամենալավ ամուսինները». Պետդումայի պատգամավոր Ելենա Յամպոլսկայա (տեսանյութ)

17:13 • 09/12

ԱԺ ընտրությունների նախընտրական շրջանում ենթադրյալ ընտրական հանցագործության 1 դեպքով հարուցվել է քրգործ, 19 դեպքով նախապատրաստվում են նյութեր. Դատախազություն

17:07 • 09/12

Ավելի քան 9 մլն դոլար. Ֆրենկ Սինատրայի ու նրա կնոջ անձնական իրերը վաճառվել են աճուրդում (լուսանկարներ)

17:06 • 09/12

Անհայտ անձը քվեաթերթիկը ստուգելուց հետո է ընտրողին թույլ տվել այն գցել քվեարկության արկղ. ՀՔԱ (տեսանյութ)

17:06 • 09/12

ԱԺ արտահերթ ընտրությունների քվեարկության օրն արձանագրված ենթադրյալ ընտրական հանցագործության 31 դեպքով նախապատրաստվում են նյութեր. Դատախազություն

16:59 • 09/12

Ալբա. Ոսկե գնդակը կեղծիք է. բոլորն էլ գիտեն, որ լավագույնը Մեսսին է

16:56 • 09/12

Google-ի 22-ամյա աշխատակցին մահացած են հայտնաբերել աշխատավայրում

16:45 • 09/12

Այն բնակարանում, որտեղ ես գրանցված եմ, Օսիպյանը մարդ է ավելացրել. Դավիթ Շահնազարյան

16:42 • 09/12

Գաղտնալսումն ապացուցեց, որ Հայաստանում արդարադատություն գոյություն չունի. Դ. Շահնազարյան

16:40 • 09/12

Բոլոր ընտրատեղամասերում վախի մթնոլորտ կա. Վահրամ Բաղդասարյան

16:36 • 09/12

Եթե Ծառուկյանն ընդդիմադիր լինի, ուրեմն ես էլ եմ լինելու. ԲՀԿ պատգամավորի թեկնածու Էդուարդ Բաբայան

16:30 • 09/12

Մահացել է «Մուխտարի վերադարձը» հեռուստասերիալի դերասան Տարաս Մելնիչուկը

16:26 • 09/12

ԱԺ նախորդ ընտրությունների համեմատ այս ընտրություններն ընթանում են խաղաղ. արդարադատության առաջին դասի խորհրդական

16:24 • 09/12

8/25 ընտրատեղամասում հայտնաբերվել է մահացած ընտրողի տվյալ. ՀՅԴ ներկայացուցիչ

16:24 • 09/12

«Ատլանտա Յունայթեդը» 2 տարի MLS-ում խաղալուց հետո դարձել է լիգայի չեմպիոն (տեսանյութ)

16:19 • 09/12

Իրանի հրթիռները կարող են Եվրոպա հասնել. Die Welt

16:09 • 09/12

Կոտայքում և Արմավիրում զինծառայողները քվեարկության են գնում շարային կարգով, ինչը Ընտրական օրենսգրքի խախտում է. «Ականատես»

16:09 • 09/12

Սանտա Կլաուս իրականում չկա. ամերիկացուն ձերբակալել են երեխաներին ճշմարտությունը բացահայտելու համար

16:06 • 09/12

Ընտրություն` խաղաղ հեղափոխությունից հետո. թուրքական մամուլը` Հայաստանում ընթացող արտահերթ խորհրդարանական ընտրությունների մասին

16:03 • 09/12

Հելսինկյան կոմիտեն Մասիսում, Գյումրիում և մի քանի այլ վայրերում ընտրախախտումներ է արձանագրել

15:55 • 09/12

ԿԸՀ-ն տպագրել է 30 միլիոն օրինակ քվեաթերթիկ և առաջին անգամ քվեարկողների համար 80 000 օրինակ կրծքանշան է պատրաստել. Արմեն Սմբատյան

15:50 • 09/12

Փաշինյանը ինձ կալանավորելու երազանք ունի, բայց վախենում է, չգիտեմ՝ դուխը կհերիքի, թե չի հերիքի. Դավիթ Շահնազարյան

15:49 • 09/12

Բոլիվիայում բանտից փախել է նարկոբարոն Պաբլո Էսկոբարի հանցակիցը

15:46 • 09/12

Կա՞ մեկը, որ Արցախի հարցում մտահոգություն չունենա. 9/18 ընտրատեղամասում քվեարկել է Լևոն Տեր-Պետրոսյանը

15:43 • 09/12

ՄԻՊ աշխատակազմի թեժ գծին ժամը 15:00-ի դրությամբ ստացվել է ընտրական գործընթացին վերաբերող 37 ահազանգ

15:38 • 09/12

Նախորդ ընտրությունների համեմատ այս անգամ շատ լավ է իրականացվում տեղամասային հսկողությունը. ԼՀԿ վստահված անձ

15:38 • 09/12

Հովհաննես Բաչկովի մենամարտն` այսօր