Քոլին Ֆերթն ասել է, որ այլևս երբեք չի աշխատի մանկապղծության համար մեղադրվող Վուդի Ալենի հետ

Բրիտանացի հայտնի դերասան Քոլին Ֆերթը The Guardian պարբերականի հետ զրույցում հայտնել է, որ այլևս երբեք որևէ նախագծի շրջանակում չի համագործակցի Հոլիվուդի ամենաճանաչված ռեժիսորներից մեկի՝ Վուդի Ալենի հետ:

«Ես այլևս երբեք նրա հետ չեմ աշխատի»,-ասել է Ֆերթն այն բանից հետո, երբ Ալենի որդեգիր դուստրը՝ Դիլան Ֆերոուն, հայտարարել է, որ խորթ հայրն իրեն սեռական բռնության է ենթարկել 7 տարեկանում:

Հայտնի է, որ աղջիկն ավելի վաղ հանդես էր եկել բաց նամակով՝ պատմելով, որ հայրն իրենց տան տանիքում իրեն բռնաբարելու փորձ է արել, ինչպես նաև մեղադրել է Հոլիվուդին այդ ամենի վրա «աչք փակելու» համար:

Նշվում է, որ Ալենի հետ համագործակցած մի շարք աստղեր դատապարտել են նրան:

Ինքը՝ ռեժիսորը, հերքել է խորթ դստեր մեղադրանքները: