Ոստիկանություն է բերվել 37 ցուցարար

10:48 • 20.04.18

Ոստիկանության տարբեր ստորաբաժանումներ բերվել են Երևան քաղաքում տեղի ունեցած ցույցերի մասնակիցներ:

Tert.am-ի հետ զրույցում ՀՀ ոստիկանության լրատվական վարչության ԶԼՄ-ների հետ կապի
բաժնի պետ Էդգար Ջանոյանն ասաց, որ բերված քաղաքացիների թիվը հասել է 37-ի:

«Ժամը 10:30-ի դրությամբ ոստիկանության Երևան քաղաքի վարչության տարբեր ստորաբաժանումներ է բերվել  37 անձ»,-ասաց Ջանոյանը:

Նշենք, որ ժամը 9:00-ի ոստիկանության տարբեր ստորաբաժանումներ բերվածների թիվը կազմում էր 16:
 
Հիշեցնենք, որ ապրիլի 13-ից Երևանում ցույցեր ու երթեր են ընթանում Սերժ Սարգսյանի վարչապետության դեմ՝ «Իմ քայլը» շարժման նախաձեռնությամբ և ԱԺ «Ելք» խմբակցության ղեկավար Նիկոլ Փաշինյանի գլխավորությամբ։