Մակրոնի և Թրամփի տնկած ծառը 5 օր անց անհետացել է Սպիտակ տան այգուց (լուսանկարներ)
Կաղնին, որը Ֆրանսիայի նախագահ Էմանուել Մակրոնը որպես նվեր էր բերել ԱՄՆ նախագահ Դոնալդ Թրամփին, Սպիտակ տան այգում տնկվելուց 5 օր անց անհետացել է, գրում է Daily Mail-ը:
Այժմ այն վայրում, որտեղ մի քանի օր առաջ մատղաշ կաղնին էր, ոչինչ չկա, միայն խոտ է աճում: Սակայն դրա գույնն ակնհայտորեն տարբերվում է կողքի խոտերի գույնից, ինչը նշանակում է, որ ծառը տեղափոխվել է, իսկ առաջացած փոսը լցվել է հողով ու խոտով:
Հիշեցնենք, որ Ֆրանսիայի նախագահը կաղնին բերել էր երկրի հյուսիսից: Պատահական չէ, որ ծառը Ֆրանսիայի հյուսիսից է, քանի որ հենց այնտեղ են ամերիկյան զորքերը Երկրորդ աշխարհամարտի ժամանակ ափ ելել: Բացի այդ, ծառը խորհրդանշում է ամերիկաֆրանսիական հարաբերությունների ամրությունը:














