Զարմանում եմ, որ Հայաստանում դեռ կան պաշտոնյաներ, որոնց մեքենաները շարունակում են չկանգնել լուսացույցի կարմիր լույսի տակ. Նիկոլ Փաշինյան

15:11 • 27.05.18

Զարմանում եմ՝ տեղեկանալով, որ Հայաստանում դեռ կան պաշտոնյաներ, որոնց մեքենաները շարունակում են չկանգնել լուսացույցի կարմիր լույսի տակ։

Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը:

Եթե երկրի ղեկավարը՝ վարչապետը, այդպես չի վարվում և հրաժարվել է «ճռռիկ-վռռիկներով» երթևեկելու՝ մարդկանց նյարդայնացնող պրակտիկայից՝ մյուս պաշտոնյաները պետք է հասկանային, որ իրենց վարքագծում նույնպես պետք է համարժեք փոփոխություններ տեղի ունենան»,- ընդգծել է վարչապետը:

Փաշինյանը հույս է հայտնել, որ դա ընդամենը թյուրըմբռնում է, և հավելյալ միջոցներ ձեռնարկելու անհրաժեշտություն չի լինի։