Բելգիայում տղամարդը բղավել է «Ալլահ աքբար» ու սպանել 3 հոգու (լուսանկարներ)
Բելգիայի Լիեժ քաղաքում զինված անձը կրակել է երկու ոստիկանի ուղղությամբ, ինչից հետո մի կնոջ է պատանդ վերցրել, հայտնում է Reuters գործակալությունը:
Հաղորդվում է, որ ոստիկանները ստացած հրազենային վնասվածքների հետևանքով մահացել են: Ավելի ուշ ստացած վիրավորումից մահացել է նաև մարդը, որը փորձել էր չեզոքացնել տղամարդուն:
Հաղորդվում է, որ անծանոթ կնոջը պատանդ վերցնելուց հետո զինված տղամարդը նույնպես սպանվել է:
Ականատեսների խոսքով՝ հարձակումից առաջ տղամարդը բղավել է «Ալլահ աքբար»:
Ոստիկանությունը հայտնել է BBC-ին, որ իրավիճակն այժմ իրենց վերահսկողության տակ է:
Այլ մանրամասներ չեն հաղորդվում:













