Նիկոլ Փաշինյանը հաջորդ շաբաթ կմեկնի Մոսկվա

15:53 • 10.06.18

Հաջորդ շաբաթ Հայաստանի վարչապետ Նիկոլ Փաշինյանը կայցելի Մոսկվա: Այս մասին հայտնել է ՀՀ արտգործնախարար Զոհրաբ Մնացականյանը, տեղեկացնում է ТАСС-ը:

«Այո»,- ասել է նա՝ պատասխանելով համապատասխան հարցին:

Աղբյուրի հաղորդմամբ՝ Մնացականյանը չի պարզաբանել Փաշինյանի այցի ծրագիրը:

Հայտնի է, որ հաջորդ շաբաթ Մոսկվայում տեղի կունենա ֆուտբոլի աշխարհի առաջնության բացման արարողությունը, որին մտադիր են ներկա գտնվել աշխարհի տարբեր երկրների մի շարք առաջնորդներ: