Իսպանիայի ոստիկանությունը մասշտաբային գործողություն է իրականացնում «հայկական մաֆիայի» դեմ (լուսանկարներ, տեսանյութ)

14:20 • 26.06.18

Իսպանիայի ազգային և շրջանային ոստիկանական ուժերը գործողություն են իրականացնում «հայկական մաֆիայի» ենթադրյալ անդամների դեմ, հայտնում է Efe գործակալությունը: Ինչպես հայտնել են պաշտոնյաները՝ մաֆիայի անդամները կասկածվում են մի շարք հանցագործություններում ներգրավվածության համար՝ թենիսի խաղերի մասին պայմանավորվածություններ կազմակերպելուց մինչև թմրանյութերի և զենքերի վաճառք ու փողերի լվացում:  

Գործակալության հաղորդմամբ՝ ոստիկանական գործողությունների ընթացքում նախատեսվում է մոտ 100 մարդու ձերբակալություն:

Ինչպես հայտնել է «Mossos d'Esquadra» անվանումով հայտնի Կատալոնիայի ոստիկանությունը, Իսպանիայի անվտանգության ուժերն առնվազն 70 հատուկ գործողություն են իրականացնում երկրի ամբողջ տարածքում:

Հետաքննությանը մոտ ոստիկանական աղբյուրները հայտնել են գործակալությանը, որ գործողություններն իրականացվում են Բարսելոնայի մոտակայքում, Կատալոնիայի հյուսիս-արևելքում, ինչպես նաև Միջերկրական ծովի մոտ գտնվող տարածքներում և երկրի մայրաքաղաք Մադրիդում:

Epa եվրոպական ֆոտոգործակալությունը, հրապարակելով ոստիկանական գործողության լուսանկարները, նշում է, որ Կատալոնիայի մի շարք դիմակավորված ոստիկաններ Եվրոպոլի հետ համագործակցությամբ մասնակցել են «հայկական մաֆիայի» դեմ Բարսելոնայում ոստիկանական գործողությանը:

 

 

 

Mossos de'Esquadra police detain a suspect in Badalona, Barcelona, Spain, on Jun 26, 2018. EPA-EFE/Toni Albir

epa06840774 Several masked Catalan regional policemen in collaboration with Europol take part a raid in a home in Badalona, Barcelona, Spain, 26 June 2018, as part of a police operation against Armenian Mafia. Spanish security forces carry out at least 70 raids in five Spanish provinces, and some 100 people are expected to be arrested in the investigation of several crimes ranging from  tennis match-fixing, illegal arms trading, drug trafficking and money laundering.  EPA-EFE/TONI ALBIR