Մահ, ավերածություն ու քաոս. «Մանգհութ» սուպերթայֆունի հետևանքները՝ Ֆիլիպիններից մինչև Չինաստան (լուսանկարներ)

11:06 • 17.09.18

«Մանգհութ» արևադարձային սուպերթայֆունը Ֆիլիպինները պատուհասելուց հետո հասել է Հոնկոնգ ու Չինաստան՝ իր ճանապարհին առաջացնելով ավերածություններ, խլելով մարդկային կյանքեր ու ստեղծելով քաոսային իրավիճակ:

Ինչպես նշում է The Guardian-ը, թայֆունն այժմ մի քիչ թուլացել է ու գտնվում է Չինաստանի հարավային ափի մոտ, որտեղ դեռ մի քանի օր կշարունակվեն տեղատարափ անձրևներն ու ուժեղ քամիները:

Մինչդեռ Հոնկոնգում բնակիչներին արգելվել է ափամերձ շրջաններում փողոց դուրս գալ, չեղարկվել է ավելի քան 900 չվերթ:

Հայտնի է, որ միայն Ֆիլիպիններում թայֆունի հետևանքով զոհվել է 65 մարդ, կա 43 անհետ կորած: Զոհեր են գրանցվել նաև Չինաստանում ու Հոնկոնգում: Նշվում է, որ Չինաստանում տարհանված բնակիչների թիվը հասել է 2.4 մլն-ի:

Հոնկոնգի իշխանությունները տեղեկացրել են, որ «Մանգհութ»-ը 1973թ. ի վեր  քաղաքը պատուհասած ամենահզոր ցիկլոնն է:

 

Image result for Typhoon MangkhutImage result for Typhoon Mangkhut

Image result for Typhoon Mangkhut