Մեխիկոյի բենզալցակայաններում վառելիքի համար երկար հերթեր են գոյացել

16:41 • 12.01.19

Մեքսիկայի մայրաքաղաք Մեխիկոյում երկրի մի շարք շրջաններում վառելիքի մատակարարման խնդրի պատճառով մեքենաների վարորդները 24 ժամից ավելի է՝ բենզացակայանում հերթ են կանգնած՝ սպասելով վառելիքի ցիստեռնին, գրում է CNN-ը:

Ոմանք բացատրում են, որ մեքենայում վառելիք չունենալու պատճառով չեն կարող լքել բենզացակայանը: Վարորդները հենց մեքենաների մեջ են քնում, նրանցից ոմանց հարազատները ուտելիք են բերում: Հինգ ավտոմեքենաներից բաղկացած խումբը փորձել է արգելափակել մայրուղու երթևեկությունը, սակայն մյուս վարորդները կանխել են դա:

Վերջին օրերին Մեքսիկայի որոշ շրջաններում բենզինի հետ կապված լարված իրավիճակ է ստեղծվել, որն անդրադարձել է նաև մայրաքաղաքի վրա: Լցակայաններում ավտոմեքենաների երկար հերթեր են գոյացել, շատերն այնտեղ են գնում գիշերը: Ավելի վաղ երկրի իշխանությունները դադարեցրել էին բենզինի մի քանի խողովակաշարերի միջոցով վառելիքի արտամղումը, որպեսզի պայքարեն ապօրինի կերպով բենզնի յուրացման դեմ, և որոշել վառելիքը մատակարարել հիմնական ցիստեռններով: