«Ժամանակ». Եվրասիական բարձեր Փաշինյանի համար

«Ի տարբերություն խորհր­դարանի ընտրության՝ վարչապետի պաշտոնում նշանակվե­լուց հետո Նիկոլ Փաշինյանն արժանացավ Եվրասիական առաջնորդների շնորհավո­րանքին: Ոչ միայն անմիջա­պես շնորհավորեց Պուտինը, այլ նաև Լուկաշենկոն ու Նազարբաևը: Սա խոսո՞ւմ է Հայաստանի հանդեպ վերաբեր­մունքի փոփոխության մասին: Իհարկե՝ ոչ:

Պարզապես այս դեպքում շնորհավորանքի բացակայու­թյունն արդեն կխոսեր կոնֆլիկտային իրավիճակի մասին, որի պատասխանատվությունը կմնար հենց ԵՏՄ երկրների վրա: Այս իմաստով, Նիկոլ Փաշինյանին ուղղված շնորհավո­րանքներով ԵՏՄ այդ ղեկա­վարները անկասկած փորձում են իրենց համար ստեղծել պատասխանատվության «լյուֆտ» եվրասիական, ՀԱՊԿ միջա­վայրերում այն բարդ քննար­կումների համար, որոնք առջևում են:

Ի վերջո, պետք է հիշել, որ հանգուցալուծված չէ ՀԱՊԿ գլխավոր քարտուղարի հար­ցը, և այն դեռ լինելու է քննար­կումների առարկա: Այդպիսով, շնորհավորանքները ավելի շուտ արտացոլում են առկա խնդիրները, քան դրանց չեղարկումը: Եվ Երևանը, իհարկե, պետք է ավելի շատ պատ­րաստ լինի հենց բարդ քննար­կումներին, քան ԵՏՄ բարյա­ցակամ վերաբերմունքին:

Այդ առումով, կարծում եմ, դժվար է պատկերացնել, որ շնորհավորանքների միջոցով կհաջողվի, այսպես ասած, փափուկ բարձ դնել Նիկոլ Փաշինյանի գլխի տակ: Մյուս կող­մից, իհարկե, այստեղ մեզ, որ­պես պետություն, հանրու­թյուն, արժե թերևս անել ավե­լի պարզ եզրակացություններ: Խոսքն այն մասին է, որ միջ­պետական խնդիրների քննարկումներն ամենևին պետք չէ դիտարկել թշնամա­կան գործընթացների համատեքստում: Մենք տեսնում ենք և տեսել ենք, որ շատ ավելի սուր և հակադիր բառամթեր­քով են իրար հետ մոտ և հեռու հարաբերվում թե´ Լուկաշենկոն ու Պուտինը, թե´ Նազարբաևն ու Պուտինն են այդպես հարաբերվել, և դա ամենևին նրանց թիկունքում հասարա­կությունների մակարդակով չի ընկալվում իբրև թշնամանք:

Եվ բանն այն չէ, որ նրանց հասարակություններն են մի­ամիտ և չեն պատկերացնում իրավիճակը: Պարզապես այդ երկրներում պետական քա­ղաքականության ավանդույթ­ները թերևս ավելի ձևավորված են առնվազն այն իմաս­տով, որ պետական աշխա­տանքի էֆեկտիվությունը հա­մընդհանուր լռության և իդի­լիայի մեջ չէ, և գնահատելի է ոչ այն պետությունը, որը խնդիրներ չունի, այլ այն, որն ունի խնդիրների քննարկման և սպասարկման կամք ու կա­րողություններ:

Ընդ որում, նույն կերպ էլ ընկալվում է այդ պետությունը խնդրահարույց հարցերի հակառակ սուբյեկ­տի կամ սուբյեկտների մոտ»,-գրում է թերթը:

Նյութն ամբողջությամբ կարդացեք թերթի այսօրվա համարում: