Չեմ կարողանում ինձ համար կին գտնել. Պակիստանի ամենաբարձրահասակ մարդը պատմել է իր խնդիրներից (լուսանկարներ)

16:32 • 20.01.19

Պակիստանի ամենաբարձրահասակ մարդը՝ 23-ամյա Զիա Ռաշիդը, որի հասակը 2,5 մ է, խոստովանել է, որ արտաքին յուրահատկության պատճառով չի կարողանում անձնական կյանքը դասավորել:

Ինչպես նշում է Daily Mail-ը, Փանջաբ նահանգի բնակչի խոսքով՝ իրեն չի հաջողվում բավականաչափ բարձրահասակ աղջիկ գտնել:

«Առայժմ չեմ կարողանում կյանքի ընկեր գտնել: Չեմ հանդիպել մեկին, որը բավականաչափ բարձրահասակ է ինձ համար: Դա ուղղակի անհնար է: Ընտանիքս էլ է փորձում ինձ համար հարսնացու գտնել: Նրանք համապատասխան առաջարկներով մի քանի ընտանիքի են դիմել, սակայն ոչ ոք ինձ չի հավանել»,- ասել է Ռաշիդը:

Երիտասարդը հավելել է, որ արդեն սկսել է մտքից հանել երբևէ ամուսնանալու գաղափարը:

Կյանքի սեր չգտնելուց բացի պակիստանցին նաև խնդիրներ է ունենում հագուստի ու կոշիկի ընտրության, տրանսպորտով տեղաշարժվելու, աշխատանք գտնելու հարցերում:

«Շուկայում իմ չափսի հագուստ կամ կոշիկ չկա, ստիպված ամեն ինչ պատվիրում եմ»,- հավելել է նա:

Ռաշիդի խոսքով՝ փոքր հասակում իր մոտ ամեն ինչ կարգին է եղել, սակայն 10 տարեկանից հետո ինքը հանկարծակի սկսել է շատ արագ աճել:

«Բոլոր դժվարություններով ու անհարմարություններով հանդերձ՝ ես հպարտանում եմ հասակովս, քանի որ դրա շնորհիվ ես յուրահատուկ եմ»,- նշել է նա:

Mr Rashid (pictured at the Pakistan airport) said he was of a normal height during his childhood but things changed at the age of 10

Apart from finding love, Mr Rashid also faces problems finding clothes that fit, shoes of his size and even being able to travel on buses

A man climbs a table to measure Mr Rashid's eight foot tall frame

But Mr Rashid, from Multan in Pakistan's Punjab province, said he has been unable to find a life partner who is tall enough for him (pictured, Mr Rashid with his family members)