Եղանակն՝ այսօր
«Ես համաձայնություն չեմ տալիս». Ռոհանին չի ընդունել երկրի արտգործնախարար Մոհամադ Ջավադ Զարիֆի հրաժարականը
Իրանի Իսլամական Հանրապետության նախագահ Հասան Ռոհանին պաշտոնապես չի ընդունել երկրի արտգործնախարար Մոհամադ Ջավադ Զարիֆի հրաժարականը, այս մասին գրում է «ՌԻԱ Նովոստի»-ն՝ հղում անելով Իրանի նախագահի պաշտոնական կայքին:
Նշվում է, որ Ռոհանին նամակ է հղել Զարիֆին՝ հայտնելով, որ նպատակահարմար չի համարում Ջավադի հրաժարականն ընդունելը:
«Ես համաձայնություն չեմ տալիս, և այն աննպատակահարմար եմ համարում երկրի շահերի համար», - գրված է Զարիֆին ուղղված նամակում:
Իրանի նախագահն ընդգծել է, որ Զարիֆը վայելում է թե՛ իր, թե՛ երկրի հոգևոր առաջնորդ այաթոլլահ Ալի Խամենեիի վստահությունը:
Հիշեցնենք, որ Իրանի ԱԳՆ ղեկավարը հրաժարականի մասին հայտնել էր փետրվարի 25-ին՝ ինստագրամյան էջում:
«Մեծ երախտագիտություն եմ հայտնում Իրանի թանկագին ու խիզախ ժողովրդին և իշխանություններին վերջին 67 ամսվա մեծահոգության համար: Ես անկեղծ ներողություն եմ խնդրում ծառայությունս շարունակել չկարողանալու և ծառայության ընթացքում բոլոր թերությունների համար», - գրել էր Զարիֆը:
Studio One