Նիկոլ Փաշինյանի կողմնակիցները հանրահավաք և երթ իրականացրեցին (տեսանյութ)

20:35

Ցուցարարները քայլերթ են իրականացնում՝ Երևանի փողոցներով: Նրանք կոչ են անում՝ «զարթնիր լաո» և հորդորում միանալ իրենց:

20:20

Ջիվան Աբրահամյանը խոսեց իր ու Ասյա Խաչատրյանի կապի մասին: Նա նշեց, որ Ասյա Խաչատրյանին ճանաչել է տարիներ առաջ, երբ վերջինս «լիբերալիզմի հետ կապ չուներ», ապա նշեց, որ դատապարտում է նրա արարքը:

«Էդ էջանագին պահվածքները պահեք ձեզ, եթե մի անգամ էլ Ադրբեջանի դրոշի հետ իմ նկարը դնեք, չգիտեմ ինչ մեթոդներով գտնելու եմ ու Ադրբեջանի դրոշի մեջ փաթթած վառեմ»,- ասաց Աբրահամյանը:

«Ինձ համար երկու հեղինակություն կա, մեկը՝ իմ հորեղբայրն է, մեկը՝ իմ հայրը, իրանցից էն կողմ ոչ մեկին պրիզնատ չեմ գալիս, ինձ ոչ մեկ չի կարող ուղղորդել: Եթե սովոր եք, որ ձեզ պետք ա ուղղորդեն, ինձ ձեզ հետ մի համեմատեք, ես իմ սրտով ու մտքով եմ ուղորդվում»,- ասաց Ջիվան Աբրահամյանը:

19:53

Ջիվան Աբրահամյանն ասաց, որ «կոռումպացված տականքներին իրանց տեղն են դնելու» դատաիրավական համակարգի փոփոխություններով:

«Հանրային խորհրդի ղեկավարը կանգնում ասում ա՝ հիմա էլ կգնամ, Քոչարյանի համար կստորագրեմ: Ձևական ընդդիմություն էիք խաղում, փող էիք խաղում, էդ ա, սաղիդ դեմքն էլ գիտենք, քաղաքական հետագիծն էլ գիտենք: Եթե չկարողանանք օրենքով հասնել, հաստատ ժողովուրդը պատժելու ձևը գիտի: Պետք է ցրվի Հանրային խորհուրդը, տենց Հանրային խորհուրդ մեզ պե՞տք ա, չէ, լուծարելու ենք»,- նշեց Ջիվան Աբրահամյանը:

Ցուցարարներից մեկն էլ իր ելույթում ասաց, որ իրենք «կարմիր քարտ են ցույց տալիս դատական իշխանությանն ու քաղաքական դիակներին»:

Թվարկելով կուսակցությունների ու անձանց անունները նրանք պարզեցին կարմիր քարտեր:



19:48

Սուջյանն ասաց, որ հայ ազգը «կեղեքվել ու թալանվել է, չի կարողացել խոսել, ճնշված է եղել, որովհետև ժողովրդին չեն թողել պայքարել, դուրս գալ փողոց ու ամեն ինչ դեպի լավը փոխել, որովհետև նախկին իշխանությունները վախենում էին, որ գալու է այս օրը, երբ իրենք պատասխան են տալու»:

Ակտիվիստ Հայկազ Մարկոսյանի խոսքով՝ կա մեկ միասնական շահ՝ պետականության պահպանում, «մեզ համար նահատակված Մոնթեի, Ազգալդյանի, Ջիվան Աբրահամյանի ու Թաթուլ Կրպեյանի շահը պահպանելը»:

«Մի քանի օր առաջ այստեղից ելույթ էին ունենում մարդիկ, ովքեր կիլոմետրերով հեռու են բարոյականությունից, բայց խոսում են դրանից:

Հայկազ Մարկոսյանը նկատեց, որ դատաիրավական համակարգը «երջանիկ ավարտ կունենա», երբ բոլոր դատավորները, ովքեր հանցանք են գործել, պատասխան տան:

«Կեցցե այս Հայաստանը, կեցցե Արցախի ժողովուրդը: Պայքար մինչև վերջ, հաղթանակ»,- նշեց Հայկազ Մարկոսյանը: Ակտիվիստ Գևորգ Սուջյանն էլ ասաց, որ պետք է դատական համակարգը փոխվի, ստեղծվի նոր իրավական համակարգ: «Դա մեզ պետք է, որովհետև 20-30 տարի դատական համակարգը եղել է դրածո, կատարածու, կատարել է նախկին իշխանությունների բոլոր ցանկությունները: Մարդիկ կան, ովքեր անհանցանք դատվել են իշխանությունների թեթև ձեռքով, բայց նոր Հայաստանում կա նոր՝ ժողովրդավար իշխանություն ու մենք պետք է ստիպենք, որ դատական համակարգը լուծարվի, ունենանք նոր համակարգ՝ ազատ ու անկախ Հայաստան»,- ասաց Սուջյանը:

Նա նշեց, որ հաջորդ հանրահավաքը տեղի կունենա հունիսի 3-ին ժամը 19:00-ին: «Եթե մենք այսօր չունենանք արդարադատություն ամեն ինչ անիմաստ է: Ով որ շատ փող ունի, ինքը ճիշտ ա տրամաբնությամբ երկիրը երկիր չի:

Երբ ինչ-որ մեկը լավ բան ա անում երկրի համար, պարտադիր չի, որ ծախված լինի: Այս մասին ի պաշտպանություն վարչապետ Նիկոլ Փաշինյանի ակցիա ընթացքում ասաց ակտիվիստ Ջիվան Աբրահամյանը:

«Երբ ինչ-որ մեկը մի խելացի բան է անում, պարտադիր չէ սոռոսական լինի, նիկոլական լինի: Մենք պայքարում ենք մեր երկրի համար, մենք ազգի զավակ ենք, ինչ-որ մեկակական չենք»,- նշեց նա:

19:20
Ազատության հրապարակում մեկնարկեց մի խումբ ակտիվիստների կազմակերպած հանրահավաքը՝ հանուն Հայաստանի անկախ դատական համակարգի:  

Ինչպես նշվում է, հանրահավաքը լինելու է նաև ի պաշտապանություն վարչապետ Նիկոլ Փաշինյանի և ներկայի իշխանությունների: