Լեդի Գագայի թվիթերյան գրառումը մտահոգել է երկրպագուներին

Ամերիկացի երգչուհի և դերասանուհի Լեդի Գագան թվիթերյան էջում գրառում է կատարել՝ տեղեկացնելով, որ նախատեսում է իր նոր ալբոմը ADELE անվանել, ինչը զարմացրել է երգչուհու երկրպագուներին, հաղորդում է РИА Новости-ն:

I’m calling my next album ADELE.

— Lady Gaga (@ladygaga) 1 октября 2019 г.

Ըստ աղբյուրի՝ Գագայի հետևորդներից շատերը հարցրել են՝ դա կատակ է, թե ոչ:

«Լո՞ւրջ…», - հարցրել են թվիթերի օգտատերերը երգչուհուն:

Հետևորդներից մեկը ենթադրել է, որ Գագան ամենևին նկատի չի ունեցել «Գրեմմիի» մրցանակակիր, երգչուհի Ադելին, այլ՝ հնարավոր է նույն անվամբ մեկ այլ անձի:

Լեդի Գագան դեռ չի արձագանքել մեկնաբանություններին:

Աղբյուրը նշում է, որ երգչուհին նախկինում երբևէ չի աշխատել Ադելի հետ: Առավելագույնը, որ երգչուհիները միասին արել են, լուսանկարվելն է աստղային երեկույթների ժամանակ:

Լեդի Գագայի վեցերորդ ալբոմի լույսընծայման մասին հայտնի էր դարձել դեռ այս տարվա գարնանը: Եվ միայն վերջերս նա ինքը հաստատեց, որ ձայնագրում է նոր ալբոմ: