Քիմ և Քորթնի Քարդաշյանները ներկա են գտնվել Մադոննայի համերգին և երգչուհու հետ ետնաբեմում ժամանակ են անցկացրել (լուսանկարներ, տեսանյութ)

Ամերիկյան Keeping Up With The Kardashians իրապատում շոուի ամերիկահայ աստղեր Քիմ և Քորթնի Քարդաշյանները մասնակցել են հանրահայտ երգչուհի Մադոննայի՝ Լոս Անջելեսում կայացած համերգին և երգչուհու հետ ետնաբեմում ժամանակ անցկացրել, գրում է Daily Mail-ը:

Համերգային շոուի ժամանակ Մադոննան իջել է բեմից և առաջին շարքում նստած Քիմի հետ խոսել նրա գեղեցկության գաղտնիքի մասին: Դրանից հետո Քարդաշյան քույրերը հնարավորություն են ունեցել երգչուհու հանդերձարանում ժամանակ անցկացնելու նրա հետ և նրան «հեղեղելու» գովաբանություններով:

61-ամյա Մադոննան Քարդաշյան քույրերի հետ հանդիպումից Instagram-ում տեսանյութ է հրապարակել: 

«Madame-ը (իր ալբոմի հերոսուհին) սիրում է, երբ ընկերներն իրեն այցելության են գալիս»,- տեսանյութին կից գրել է երգչուհին:

«Ապշեցուցիչ էր: Հիանալի տեսք ունեիր»,- Մադոննային հայտնում է Քիմը, որից հետո քույրերը գովաբանում են երգչուհուն իր «աննախադեպ զգեստապահարանի և կեղծամների» համար:

Մադոննայի Madame X համերգային շրջագայության առաջին համերգը մեկնարկել է սեպտեմբերին՝ Նյու Յորքում: