Ջոն Բոլթոնը հայտնել է, որ Սպիտակ տունը չի վերականգնել Թվիթերի իր էջը, այլ սոցկայքը

ԱՄՆ նախագահի ազգային անվտանգության հարցերով նախկին խորհրդական Ջոն Բոլթոնը հայտարարել է, որ Թվիթերի իր անձնական էջ կարողացել է մուտք գործել ոչ թե Սպիտակ տան որոշմամբ, այլ սոցկայքի կառավարման բաժնի շնորհիվ: Այս մասին հայտնում է РИА Новости-ն:

«Ի գիտություն բոլորի, ոչ թե Սպիտակ տունն է հանել իմ անձնական էջի արգելանքը, այլ Թվիթերը: Շնորհակալություն, Թվիթեր, որ հանդես եք գալիս համընդհանուր արժեքների և ստանդարտների օգտին, և իմ էջի արգելանքի վերացումը ճիշտ որոշում էր»,- ասել է Բոլթոնը:

Ավելի վաղ նա հայտարարել էր, որ իր պաշտոնանկությունից անմիջապես հետո Սպիտակ տունն արգելափակել էր Թվիթերի իր անձնական էջը:

Հիշեցնենք, որ ԱՄՆ նախագահ Դոնալդ Թրամփը սեպտեմբերի 10-ին աշխատանքից հեռացրել էր ազգային անվտանգության հարցերով խորհրդական Ջոն Բոլթոնին: