Երկու երեխա ունեցող բրիտանուհին չի իմացել երրորդ հղիության մասին մինչև ծննդաբերության պահը

Անգլիական Դադլի քաղաքի բնակչուհի Սել Գեսթը, որը երկու երեխայի մայր է, պատմել է, որ գաղափար չի ունեցել իր երրորդ երեխայով հղիության մասին, քանի դեռ չէին սկսվել երկունքի ցավերը:

Ինչպես ներկայացնում է The Sun պարբերականը, 2018-ի հունվարի 26-ին բրիտանուհին արթնացել է որովայնի հատվածում ուժեղ ցավերով: Իր դուստրերին կերակրելուց հետո նա կրկին պառկել է անկողնում: Ցավերի սաստկանալուն պես նա շտապ օգնություն է զանգահարել: Լսելով նրա նշած աշտանիշերը՝ մասնագետը ենթադրել է, որ դրանք ծննդաբերության ցավեր են, ինչին ի պատասխան 24-ամյա Սելը ծիծաղել է:

Բրիտանուհին մտածում էր, որ չի կարող հղի լինել, քանի որ հակաբեղմնավորիչներ էր ընդունում, ինչպես նաև նրա մոտ ամեն ամիս դաշտանային ցիկլ է եղել, իսկ որովայնը չէր մեծացել:

Արդյունքում չդիմանալով ցավերին՝ նա ծննդաբերել է իր իսկ անկողնում՝ հեռախոսով հետևելով բուժաշխատող հրահանգներին: Նա որդի է լույս աշխարհ բերել: Կանչով ժամանած բժիշկները նորածնին և ծնդդկանին տեղափոխել են հիվանդանոց: Նշվում է, որ թեև հղիության ընթացքում Սելն ալկոհոլ է օգտագործել, տղան բացառապես առողջ է ծնվել: