Եղանակն՝ այսօր
Մի ամիս ունեինք տանը սպասող հիվանդների ինստիտուտ, սակայն մի քանի օր է՝ այլևս կորոնավիրուսով հիվանդ տանը հոսպիտալացման սպասող քաղաքացի չունենք․ վարչապետ
Այսօր ՀՀ Կառավարության հերթական նիստին ՀՀ վարչապետ Նիկոլ Փաշինյանն ասաց, որ կորոնավիրուսի հետ կապված պոզիտիվ դեպքերը վատ են անդրադառնում հասարակության տրամադրվածության վրա , սակայն մի ամիս ունեինք տանը սպասող հիվանդների ինստիտուտ, որը հիմա չունենք:
Առողջապահության նախարար Արսեն Թորոսյանն ասաց, որ այս պահին տանը սպասող կորոնավիրուսով հիվանդ քաղաքացի արդեն մի քանի օր չունենք: «Նաև փոքր թիվ ունենք այն քաղաքացիներ, որոնց մոտ հաստատվել է կորավիրուսը և նրանք պետք է տեղափոխվեն միայն կորոնավիրուսով զբաղվող հիվանդանոցներ, նրանց թիվը 13 է: Եթե ամփոփ ասեմ, ապա վիճակը մնում է կայուն, բայց ծանր, այսինքն բացասական միտում չկա, բայց էական դրական միտում էլ չկա»,-ասաց նա, իսկ վարչապետը նկատեց, որ վիճակը անկանկախատեսելի է:
Վարչապետն ասաց, որ Սպիտակում, Մարտունիում առաջիկայում սպասում են վերակենդանացման նոր բաժանմունքների բացում, ինչպես նաև Էրեբունի, Սուրբ Գրիգոր Լուսավորիչ հիվանդանոցներում ևս նոր բաժանմունքներ կբացվեն:
«Այս ընթացքում ծավալել ենք ռեկորդային թվով թթվածային կետով 1488 մահճակալ, ինչը շատ կարևոր է և նաև վերակենդանացման բաժանմունքների ստեղծումը ևս կարևոր է, քանի որ ցավոք սրտի աշխարհի միտումներն այնպիսին չեն, որ համաճարակը գնա անկման».-ասաց նա:
Վարչապետն անդրադառնալով պատվասանյութին, ասաց, որ շատ քննարկվեց, թե ինչպես է, որ պատվաստանյութ չկա, բայց Կառավարությունը բանակցում է: «Ուզում եմ պարզաբանել, որ քանի որ ամբողջ աշխարհը սպասում է պատվաստանյութի, մարդիկ գոյություն չունեցող, բայց սպասվող պատվաստվանյութի համար գնում են իրականացրել, այսինքն գումար են փոխանցել և ահռելի քանակությամբ ապագա պատվաստանյութը ձեռք են բերել: Ինչը մտավախություն է առաջացնում, որ խմբաքանակները կհայտնվեն մի քանի երկրների ձեռքում»,-ասաց նա:
Առողջապահության նախարարը ավելացրեց, որ իրականում պատվաստանյութ կա, և կան բազմաթիվ պատվաստանյութեր: «Խոսքը վերջնական հաստատում ստանալու համար է, ընկերություններ կան, որ տասնյակ հազարներով դրանք արտադրել են և միայն հաստատում ստանալուց հետո արագ բաշխման մասին է և ամենայն հավանականությամբ վերջնական հաստատումը լինելու է մի քանիսը»,-ասաց նա:
Studio One