Եղանակն՝ այսօր
Սլովենիայում վանդալները հրկիզել են Մելանյա Թրամփի փայտե արձանը (լուսանկարներ)
Սլովենիայում վանդալները հրկիզել են ԱՄՆ առաջին տիկին Մելանյա Թրամփի փայտե արձանը, որը տեղադրված է նրա հայրենի քաղաքից` Սևնիցայից ոչ հեռու: Փայտե արձանը գտնվում է Սավա գետի ափին և ողջունում է քաղաքին: Այս մասին հայտնում է Reuters գործակալությունը։
Միջադեպը տեղի է ունեցել ԱՄՆ Անկախության օրը՝ հուլիսի 4-ին։
Հաղորդվում է, որ խեղաթյուրված արձանը հանել են պատվանդանից, կատարվում է դեպքի հետաքննություն:
Նշենք, որ 2019-ին արձանը տեղադրվել էր Սավա գետի ափին՝ Ռոժնո բնակավայրում՝ ԱՄՆ առաջին տիկնոջ հայրենի Սևնիցայի արվարձանում։ Փայտե արձանում Մելանիա Թրամփը կապույտ զգեստով է, որով ներկա էր գտնվել ամուսնու երդմնակալության արարողությանը:
Գաղափարի հեղինակը ամերիկացի նկարիչ Բրեդ Դաունին է։ Նրան է պատկանում միայն քանդակի գաղափարը, իսկ աշխատանքը կատարել է տեղացի քանդակագործ Ալյոշ Ժուպևցը, որը բենզասղոցի օգնությամբ այն կյանքի է կոչել:
Studio One