«Դու ռազմական դաշինք ես կնքել Էրդողանի պես հրեշի հետ»․ Սարիկ Անդրեասյանի պատասխանը Զելենսկիին

Ռուսաստանաբնակ հայ կինոռեժիսոր Սարիկ Անդրեասյանն իր ինստագրամյան էջով վերջին բաց նամակն է ուղղել Ուկրաինայի նախագահ Վլադիմիր Զելենսկիին՝ մեկնաբանելով Ադրբեջանին ֆոսֆորային ռումբեր մատակարարաելու վերաբերյալ իր նախորդ բաց նամակին ուկրաինացի նախագահի տված պատասխանը։ 

Հայազգի կինոռեժիսորը նախ շնորհակալություն է հայտնել Զելենսկիին նամակին պատասխանելու համար՝ նշելով, որ դա արժանի օրինակ է այն բանի, որ նախագահը անտարբեր չէ, թե իր և իր երկրի մասին ինչ են խոսում։ Ի տարբերություն Զելենսկիի, որը նամակն ուղղել է ուկրաիներեն՝ Անդրեասյանը նախընտրել է ռուսերեն պատասխանել։ 

«Հավատում եմ հայկական աղբյուրներին այն պատճառով, որ երբ պատերազմ սկսվեց, ու մենք աղմուկ բարձրացրինք, թե հարձակվել են մեզ վրա, Ալիևը հերքեց այդ փաստը, հետո էլ ինչ-որ պահի խոստովանեց, որ դա այդպես է։ Հետո ասացինք, որ կռվում ենք Սիրիայից վարձկանների դեմ, Ալիևը դա էլ հերքեց, իսկ երբ զինյալները սկսեցին գերի ընկնել ու զոհվել, ամբողջ քաղաքակիրթ աշխարհը սկսեց ընդունել այդ փաստը։

Հետո ասացինք, որ թուրքական բանակի դեմ ենք կռվում, ու կրկին բոլորը հերքեցին, մինչև որ չսկսեցինք թուրքական անօդաչու թռչող սարքեր ու ռազմատեխնիկա խոցել»,- նշել է Անդրեասյանը և հավելել, որ հազարավոր տներ են քանդվել, հիվանդանոցներ ու եկեղեցի վնասվել․ սա փաստ է, որով աշխարհը միայն անհանգստացած է և ոչ ավելին։

«Ճիշտ ես, որ շատ երկրներ են Ալիևին զենք վաճառել, բայց այժմ ուկրաինական, իսրայելական, բելառուսական ինքնթիռներն են Բաքու մեկնում, ու կարող եմ ենթադրել, որ ճարպ, կարտոֆիլ կամ հումուս չեն տեղ հասցնում։ Ամբողջ թվարկածիցս հետո միայն հայկական կողմին կարող եմ վստահել ու հավատալ, քանի որ բացի պաշտոնական աղբյուրներից ընկերներ ունեմ Ստեփանակերտում, որոնք օգնում են վիրավորներին, ծերերին»,- նշել է կինոռեժիսորը, այնուհետև ոչ օբյեկտիվ համարել իր հասցեին այն մեղադրանքը, թե նա ռուսական քարոզչությանն է տրվել։ 

«Ո՛չ Ռուսաստանում, ո՛չ Հայաստանում որևէ կուսակցության չեմ պատկանում։ Ռուսաստանում իշխանության կամ ընդդիմության համար երբևէ քարոզ չեմ արել»,- ընդգծել է նա և հստակեցրել, որ հայ ազգը ոչ թե որևէ նախագահի կամ ղեկավարի, այլ իր սեփական տունը, երեխաներին, մշակույթն ու հավատը պաշտպանելու համար է կռվում։

«Գրում ես, որ հայկական ծագմամբ ուկրաինացիներ են զոհվել, բայց արդյոք սա կարող է հուզել մի մարդու, որը ռազմական դաշինք է կնքել մի հրեշի հետ, ինչպիսինն է Էրդողանը։ Ասում ես, թե ֆոսֆորը ռուսական կեղծիք է, բայց միթե չգիտես, որ առաջնագծում գտնվող Արայիկ Հարությունյանը, որը տարածել է այդ «կեղծիքը», Պուտինին նման չէ։ Ասում ես, թե չեմ անհանգստացել Դոնբասի համար, իսկ արդյո՞ք դու անհանգստացել ես՝ ներկայացելով այնտեղ խաղաղ բնակչությանը սպանողներին։ Բռնապետի հետ դաշինք կնքելով ու Յարոսլավ Իմաստունի շքանշան նրան տալով՝ դու հստակեցրիր, թե ում կողմից ես՝ չնայած վստահ եմ՝ ուկրաինացիներն այդ կարծիքին չեն»,- նշել է նա և միևնույն ժամանակ «որպես արվեստի մարդ» պատրաստակամություն հայտնել գրկել վաղեմի ընկերոջը, եթե հանկարծ պարզվի, որ ինքը «մոլորության մեջ է եղել»։

Անդրեասյանը գրառմանը կից նաև մի լուսանկար է հրապարակել, որում իր պատվերը տեղ հասցնող հայ առաքիչը տեսնելով, թե ով է պատվիրատուն, շնորհակալություն է հայտնել վերջինիս հայ ազգի կողքին լինելու համար։ 

Հիշեցնենք, որ ավելի վաղ Անդրեասյանը բաց նամակ էր ուղղել Զելենսկիին՝ նրան մեղադրելով Ադրբեջանին ֆոսֆորաին ռումբ մատակարարաելու և դրանով Արցախում հակամարտության շարունակությանը նպաստելու համար։ Դրան ի ատասխան՝ Զելենսկին նշել էր, թե կինոռեժիսորը ռուսական քարզչության զոհ է դարձել, քանի որ այդ տեղեկությունները չեն համապատասխանում իրականությանը։ 

Զելենսկին, մասնավորապես, գրել է․ «Հասկանում եմ, Սարիկ, որ իսկապես ցավալի է։ Սասափելի է, երբ սեփական աչքերով ես տեսնում՝ ինչ է իսկական պատերազմը։ Պետք չէ ստանձնել ուրիշի ֆեյքերի կրիչի դերը: Հասկանում եմ՝ ինչ և ինչու է անում ռուսական քարոզչությունը։ Բայց քեզ բացարձակապես չեմ հասկանում, քանի որ Ուկրաինան երբեք և ոչ մի տեղ որևէ ֆոսֆորային ռումբ չի մատակարարաել։ Առհասարակ»։

Ուկրաինայի նախագահի խոսքով՝ «նման լցոնումներ առաջին անգամը չէ, որ հայտնվում են»։

«Սկզբում այդպիսի ստեր էին տարածում Ուկրաինայի և Դոնբասի պատերազմի մասին։ Հետո Ուկրաինայի և Սիրիայի պատերազմի մասին, այժմ էլ՝ Լեռնային Ղարաբաղի պատերազմի համատեքստում։ Եվ բոլորի հեղինակը միևնույն մարդիկ են։ Միթե չե՞ս հասկանում՝ ինչու են այդպես անում։ Ուստի, նախքան Ուկրաինայի մասին ինչ-որ բան ասելը, ճշմարտացիորեն պատասխանիր մի պարզ հարցի՝ ո՞ւմ է ձեռնտու պատերազմների և Ուկրաինայի մասին ստելը։ Ճիշտն ասած, ես անձամբ ցավում եմ, որ դու՝ մարդ, ում առջև ես բացել եմ իմ տան դուռը, և ով շատ լավ գիտի իմ ներաշխարհը և իմ արժեքները, այդքան հեշտորեն դարձել է ուրիշի քարոզչությանը զոհը։ Չէի՞ր կարող ինձ անձամբ հարցնել»,-նշել է Ուկրաինայի նախագահը։

Զելենսկին Անդրեասյանին ուղղված նամակում նշել է, որ Ուկրաինան դեմ է ցանկացած արյունալի հակամարտության և չի աջակցում էսկալացիային, չի սնում առճակատումը։

 

 

 

Посмотреть эту публикацию в Instagram

Последнее письмо! Хочу сказать тебе, Владимир @zelenskiy_official, большое спасибо, что ты ответил мне, и мой крик души и сердца не оставил тебя в стороне. Я считаю, что это достойный пример того, что президент не равнодушен к тому, что говорят о нём и о его стране. Я отвечу на великом русском языке! Я верю армянским источникам по той причине, что когда началась война, мы подняли тревогу и сказали, что на нас напали первыми, но Алиев это отрицал, однако в какой-то момент признал, что это так. Затем мы говорили, что воюем с боевиками из Сирии, хотя Алиев и это отрицал, но когда боевики начали умирать и попадать в плен, весь цивилизованный мир признал это. Затем мы сказали, что воюем с турецкой армией, и опять же, все это отрицали, пока мы не стали сбивать турецкие беспилотники и турецкую военную технику. Разрушены тысячи домов, нанесены удары по церквям и больницам! Это факт, который беспокоит весь мир, но, к сожалению, только беспокоит. Ты прав, что много стран продали оружие Алиеву, но Украинские, Израильские и Белорусские грузовые самолеты летают в Баку сейчас, и смею предположить, что везут не сало, хумус и картошку. После всего перечисленного я могу доверять армянской стороне и верить, так как кроме официальных источников у меня есть друзья, которые оказывают помощь раненым, старикам и детям в Степанакерте. Я не состою ни в одной партии ни в России, ни в Армении. Я никогда не призывал и никогда не агитировал, ни за власть, ни за оппозицию в России. Именно поэтому обвинения в том, что я поддался пропаганде, считаю не объективными. Я хочу ещё раз сказать, что мой народ воюет не за Пашиняна, не за Путина, не за бывших президентов! Мой народ защищает свой дом, своих детей, свою культуру, свою веру и хочет мирного неба над головой. (ПРОДОЛЖЕНИЕ В КОММЕНТАРИИ)

Публикация от Sarik Andreasyan (@sarik_andreasyan) 3 Ноя 2020 в 9:02 PST