Կարեն Բեքարյանն ու Արա Սաղաթելյանը այն մարդիկ են, որ չեն թաքնվում որևէ մեկի թիկունքում ու հայտարարություններ անում. Արթուր Վանեցյան (տեսանյութ)

Արա Սաղաթելյանն ու Կարեն Բեքարյանը չեն կարող լինել կեղծ օգտահաշվի կառավարողները, բացի այդ ամեն դեպքում այդ օգտահաշիվը, ինչպես տեսանք, շատ ակտիվ գործում է: Կարեն Բեքարյանն ու Արա Սաղաթելյանը այն մարդիկ են, որ չեն թաքնվում որևէ մեկի թիկունքում ու հայտարարություններ անում:

Արթուր Վանեցյանն ասաց, որ ցավալի է իր համար խոսել ԱԱԾ-ի մասին, գիտի՝ ինչ մարդիկ են աշխատում այնտեղ, սակայն ինչ-ինչ պատճառներով այդ կառույցում կա մարդկանց փոքր խումբ, ովքեր կատարում են այս իշխանության հրահանգները: Սակայն Վանեցյանը հույս հայտնեց, որ դա շուտով կլուծվի և Ազգային անվտանգության ծառայությունը կզբաղվի անվտանգության խնդիրներով:

Հարցին, թե հրապարակում կա, որ Վանեցյանն էլ ֆեյքերի բանակ ունի, Վանեցյանն ասաց. «Դրանք կեղծ պնդումներ են և անգամ դա մեկնաբանելն անիմաստ գործ է»:

Պատերազմի վերաբերյալ Արթուր Վանեցյանն ասաց՝ պետք է հարուցվեն քրեական գործեր, և հարցին էլ, թե ԱԱԾ տնօրեն լինելու ժամանակ իրեն տեղեկություն տրվել է 5 մլրդ դոլարի վերաբերյալ, որը պետք է փոխանցեր Փաշինյանին, Արթուր Վանեցյանն ասաց. «ԱԱԾ տնօրեն աշխատելու ժամանակ ինձ հայտնի տեղեկությունները ես կոռեկտ չեմ համարւմ հրապարակայնացնել»: