Համաչափ և նրբագեղ. Մարի Անտուանետի ադամանդյա ապարանջանները վաճառվել են 8,2 մլն դոլարով (լուսանկարներ)

Ֆրանսիայի թագուհի Մարի Անտուանետին պատկանած զույգ թևնոցներն աճուրդի ժամանակ վաճառվել են 8,2 մլն դոլարի դիմաց՝ ավելի քան երկու անգամ գերազանցելով նախնական գնահատումը:

Ինչպես ներկայացնում է CNN-ը, վաճառքը երեքշաբթի իրականացրել է Christie's աճուրդի տունը, որն ադամանդյա ապարանջանները նախապես գնահատել էր 2-4 մլն դոլար:

Ինչպես հայտնել է աճուրդի տան ներկայացուցիչը, վաճառքի ընթացքը բավականին ակտիվ է անցել՝ ուղեկցված նաև հեռախոսազանգի միջոցով արվող առաջարկներով աշխարհի տարբեր անկյուններից:

1791 թվականին Մարի Անտուանետը վաճառել է ապարանջանները: Նա դրանք վաճառել է ոչ ֆրանսիացի գնորդի Հեղափոխության ժամանակ: Աճուրդի տան տվյալներով՝ զարդերն ավելի քան երկու դար գտնվել են անհատական թագավորական հավաքածուի կազմում:  

«Արտասովոր ապարանջանները» 140-150 կարատանոց ադամանդներից են կազմված: Ըստ մասնագետների՝ դրանք պատրաստել է ֆրանսիացի թագուհու անձնական ոսկերիչը: Այդ կարծիքին հանգել մասնագետներին թույլ է տվել զարդերի համաչափությունն ու նրբագեղ դիզայնը: