Ոչ վաղ անցյալում մենք ինքներս բախվել ենք օտարերկրյա ահաբեկիչների հայտնվելուն մեր տարածաշրջանում. Փաշինյան

Ելույթ ունենալով ՀԱՊԿ Հավաքական անվտանգության արտահերթ նիստում՝ ՀՀ վարչապետ Նիկոլ Փաշինյանը հայտարարել է, որ լարվածությունը չի նվազում կազմակերպության պատասխանատվության գոտում, և անդամ երկրները շարունակում են բախվել նոր սպառնալիքների։

«Ղազախստանում ստեղծված ներկա իրավիճակը մտահոգություն է առաջացնում՝ կապված միջազգային ահաբեկչական կազմակերպությունների ներգրավվածության մասին տեղեկատվության հետ։ Ոչ վաղ անցյալում մենք ինքներս բախվել ենք մեր տարածաշրջանում օտարերկրյա ահաբեկիչների ի հայտ գալուն», - ասել է Փաշինյանը։

Փաշինյանի խոսքով՝ ՀԱՊԿ-ում Հայաստանի նախագահության առանցքային առաջնահերթություններից է Կազմակերպության ճգնաժամային արձագանքման մեխանիզմների ուժեղացումը։