Եղանակն՝ այսօր
Չենք ցանկանում, որ Բրյուսովի անվան համալսարանը միավորվի որևէ համալսարանի հետ, ստորագրահավաք ենք սկսել․ բողոքի ակցիա
Երեկ ստույգ աղբյուրներից տեղեկացել ենք, որ համալսարանների միավորման առաջնահերթ պլաններում է Բրյուսովի անվան պետական համալսարանը, երեկ ենք իմացել, որ պատրաստ է կառավարության որոշման նախագիծը, որով Ֆիզկուլտ ինստիտուտը և Բրյուսովի անվան համալսարանը միավորվում են ՀՊՄՀ-ին։ Այս մասին համալսարանների միավորման դեմ բողոքի ակցիայի ժամանակ ասաց համալսարանի ռեկտորի ժամանակավոր պաշտոնակատար Կարինե Հարությունյանը։
«Համալսարանի աշխատակազմը ստորագրահավաք է անում, այսօր համալսարանի անունից դիմելու ենք ԿԳՄՍ նախարարին, հոգաբարձուների խորհրդի նախագահին, որպեսզի իրենց հետ քննարկում կազմակերպենք։ Այդ հարցը ուսանողության և աշխատակազմի հեո չի քննարկվել, մեր մտահոգությունները և կարծիքները պետք է բարձրաձայնվեն, փորձենք շեշտել, որ այս համալսարանը գրեթե 90 տարվա պատմություն, իր ուրույն դիրքը ունեցող համալսարան է։ Մենք չենք ցանականում, որ Բրյուսովի անվան համալսարանը միավորվի որևէ համալսարանի հետ»,- ասաց նա։
Ակցիայի մասնակիցները նշեցին, որ մինչև շաբաթվա վերջ սպասելու են նախարարության ու կառավարության ներկայացուցչի հետ հանդիպմանը։
Studio One